وردن ءِ ردی یک مزنیں جیڑھے، ایشی ءِ کم کنگ ءِ ھاترا ھمگرنچ ءُ عملی گامگیج المی انت، صدر آصف علی زرداری

اسلام آباد۔29مارچ (اے پی پی): صدر آصف علی زرداری ءَ وردن ءِ ردی ءَ را کم کنگ ءِ واستہ یکوئی ءُ عملی گامگیج آنی ضلورت ءِ سر ءَ زور پر دات ءُ گوشت کہ مہنگائی ءُ لوگ ءِ کمیں آمدنی ءِ رد ءَ وردن ءِ ردی ءَ را کم کنگ الس ءِ روچ مرزی زندمان ءَ گوں براہ راست سیادی داریت۔ پاکستان یک کشت ءُ کشاری معیشت ءِ بوھگ ءِ سوب ءَ فارم ءَ چہ بازار ءَ تاوان ءِ سر ءَ ھاسیں دلگوشی بہ دنت۔ یک شمبے ءِ روچ ءَ صدر گس ءِ پریس ونگ ءِ نیمگ ءَ چہ ورلڈ زیرو ویسٹ ڈے ءِ موہ ءَ جاڑی بوتگیں کلوہ ءِ تہ ءَ صدر ءِ مملکت ءَ گوشت کہ وردن ءِ ردی یک مزنیں جیڑھے ایشی ءِ تہ ءَ کمی ءِ واستہ ھمگرنچ ءُ عملی گامگیج آنی ضلورت اِنت۔ اے سال ءَ فوڈ ویسٹ ءِ بنگپ ءِ چیر دستی ءَ ورلڈ زیرو ویسٹ ڈے برجم دارگ بوھگ ءَ اِنت کہ اے یک انچیں چیلنج ءِ نشانی اِنت کہ پاکستان ءَ ھوار سرجمیں دگنیا ءِ سر ءَ مزنیں اثرات ءِ سبب جوڑ بوت کنت۔ پیداوار، رسد، ذخیرہ ءُ کھپت ءِ ہر پڑ ءَ فوڈ ویسٹ ءُ نقصان ءَ را کم کنگ ءَ را اولیت دیگ بہ بیت۔ آئی ءَ گوشت کہ وردن ءِ ردی بازیں ھاندان آنی واستہ عملی جیڈھ اِنت، اودا مارکیٹ ءَ سر بوھگ ءَ پیسر ھرابیں چیز، ناکافی ذخیرہ کنگ ءِ بندوبست، آماچیں فصل ءُ مراگش ءَ پد پچیں وردن ءِ مزنیں کساس ءَ رد کنگ وسیلگ آنی ناکارہ کارمرد کنگ ءِ مثال اَنت۔ آئی ءَ گوشت کہ مہنگائی ءُ گس ءِ کمیں آمدنی ءِ رد ءَ وردن ءِ ردی ءِ کم کنگ الس ءِ روچ مرزی زندمان ءَ گوں مستقیم ءَ سیادی دار ایت۔ آئی ءَ اے گپ ءِ سر ءَ ھم زور پر دات کہ ضائع بوتگیں وردن اصل ءَ آپ، زمین، توان ءُ محنت ءِ وڑیں ارزشت داریں وسیلگ آنی تاوان اِنت۔ فضلہ ءِ تہا روگ ءِ ورگ گرین ہاؤس گیس ءِ اخراج ءَ گیش کنگ ءَ چہ ماحولیاتی دباؤ ءَ گیش کنت کہ موسمیاتی بدلی ءُ فوڈ سیکیورٹی ءِ وڑیں مزنیں چیلنجاں گوں ہمگرنچ انت۔ آئی ءَ گوشت کہ یک کشت ءُ کشاری معیشت ءِ بوھگ ءِ سوب ءَ پاکستان ءَ فارم ءَ چہ بازار ءَ تاوان ءِ سر ءَ ھاسیں دلگوشی دیگ لوٹ ایت۔ آئی ءَ جوانیں وردن ءِ ذخیرہ کنگ ءُ یک مھکمیں کولڈ چین سسٹم ءِ سر ءَ زور پر دات ءُ گوشت کہ اے گامگیج آنی وسیلگ ءَ وردن ءِ ردی ءَ را مزنیں کساسے ءَ کم کنگ بوت کنت۔ آئی ءَ گوشت کہ بازار، بنجاہی انتظامیہ ءُ وشھالی ادارگ یکجائی ءَ وردن ءِ زوال بوھگ ءَ چہ رکگ ءُ مستحقیں مردم آناں سر کنگ ءِ واستہ کار کت کن انت۔ آئی ءَ زور پر دات کہ سرکاری ادارگ آناں عملی مثال ءِ دیم ءَ آرگ لوٹ ایت، وھدے کہ وردن ءِ ھوالگ ءَ کاروبار آناں جوانیں منصوبگ بندی ءُ ذمہ واریں بھر ءُ بانگ ءِ وسیلگ ءَ ردی ءَ را کم کنگ لوٹ ایت۔ صدر ءِ مملکت ئَ گوشت کہ گس ءِ تک ئَ ھم مردم ضلورت ءِ رد ئَ بھا زورگ ءُ جوانیں رنگ ئَ ایر کنگ ءُ تیار کتگیں وردن ئَ چہ سرجمی ئَ کارمرد کنگ ئَ ھاسیں کرد ئَ پیلو کُت کن اَنت۔ آئی ءَ گوشت کہ وردن ءِ ردی ءَ را کم کنگ یک برجاہ ءُ یکجائی کوشست اِنت، ایشی ءِ واستہ فارم، مارکیٹ، ادارگ ءُ لوگ آنی تک ءَ یکجاھیں گامگیج المی اِنت۔ آئی ءَ گوشت کہ وردن ءِ ھوالگ ءَ زمہ وار ءُ شرپ مندیں رویہ ءِ زورگ ءَ چہ وردن ءِ سلامتی ءَ را دل یکیمی کنگ، وسیلگ آناں جوانیں رنگ ءَ کارمرد کنگ ءُ چاگرد ءِ رکھینگ ءَ کمک رس ایت۔