ڈاکٹراں وتی پیشہ ءِ تہا شفقت، خلوص ءُ خدمت ءِ جذبہ ءَ را مدام اولیت دیگی انت، راجہ پرویز اشرف ءِ شہید ذوالفقار علی بھٹو یونیورسٹی ءِ کانووکیشن ءِ تہا گشتانک

اسلام آباد۔28مارچ (اے پی پی): پیسریگیں مزن وزیر راجہ پرویز اشرف ءَ گوشت کہ نوکیں گریجویٹ بوتگیں ڈاکٹر آنی واستہ مرچی سک باز ھاسیں ءُ فخر ءِ روچ انت پرچا کہ اے سوبمندی ایشانی ذاتی محنت، وتی مات ءُ پت آنی قربانی ءُ ایشانی استاد آنی رہشونی ءِ آسر انت۔ اے ھیالانی درشانی آئی ءَ شھید ذوالفقار علی بھٹو یونیورسٹی ءِ چارمی کانووکیشن ءَ گوں گشتانک ءِ ساھت ءَ کت۔ آئی ءَ گوشت کہ نودربر آنی مات ءُ پت آناں اے جاہ ءَ سر کنگ ءِ واستہ بے کساسیں مشکلات برداشت کتگ ءُ مرچی آوانی سوبمندی اصل ءَ اے درستیں کوشست آنی مائد اِنت۔ آئی ءَ گوشت کہ طب ءِ شوبگ سک شرپ مند ءُ ذمہ واریں پیشہ انت، ایشی ءِ واستہ اللہ تعالیٰ ترا گچین کتگ۔ آئی ءَ گریجویشن کنوکیں ڈاکٹر آناں گوں تران کنان ءَ گوشت کہ یک جوانیں ڈاکٹر نہ ایوک ءَ نادراھی ءَ دوا کنت بلکینگ ءَ تکلیف دہ انسانیت ءِ دیم ءَ مسکرا ءِ رنگ ءَ ساچگ ءَ انت، نادراھاں دلبڈی دنت ءُ آھاں امیت پجارین ایت۔ آئی ءَ زور پر دات کہ ڈاکٹر وتی پیشہ ءِ تہ ءَ مدام شفقت، مخلصی ءُ خدمت ءَ را اولیت بہ دنت۔ شہید ذوالفقار علی بھٹو یونیورسٹی ءِ بابت ءَ گپ ءُ تران کنان ءَ آئی ءَ گوشت کہ اے ملک ءِ نامداریں میڈیکل ایجوکیشن ادارگ انت ایشی ءَ چہ جان سلامتی ءِ شوبگ ءَ ھاسیں ازمت کنگ ءَ انت۔ آئی ءَ گوشت کہ اے یونیورسٹی ءِ جوڑیشت 2011ءَ بوتگ وھدیکہ آئی ءَ 2014ءَ چہ باقاعدہ وانگ ءُ زانگ ءِ کار بندات کتگ اَنت۔آئی ءَ گیش گوشت کہ اے ادارگ ءِ جوڑیشت صدر آصف علی زرداری ءِ ھاسیں دلچسپی ءُ رہشونی بوتگ، آئی ءِ واھشت بوتگ کہ ملک ءَ طبی وانگ ءُ زانگ ءَ را دیمروئی بہ دنت ءُ نوکیں نسل ءَ را جوانیں موہ بہ دنت۔ راجا پرویز اشرف ءَ اے امیت سہرا کت کہ نوکیں ڈاکٹر وتی پیشہ وارانہ زند ءَ گوں سرجمیں لگن، جزبگ ءُ ایمانداری ءَ بندات کن انت ءُ نہ ایوک ءَ وتی ھاندان ءَ را بلکینگ ءَ پاکستان ءِ ملک ءَ را شان ءُ شُہاز ءِ سبب جوڑ بنت۔ آئی ءَ گُڈسر ءَ دعا کت کہ اللہ تعالیٰ گریجویشن کنوکیں درستیں نودربراں گیشتر سوبمندی بہ دنت، انسانیت ءِ ھزمت ءَ توانمند بہ کنت ءُ وتی وتی پڑاں برجمیں بستارے بہ دنت۔ آئی ءَ گوشت کہ اللہ تعالیٰ مئے حمایت ءُ کمکار بہ بیت۔