انگلینڈ ئِ با ترسا ٹیسٹ سیریز نا فاتحانہ بنائِ کینہ، مصباح الحق
لندن۔ 13جولائی(اے پی پی) پاکستان و انگلینڈ نا کرکٹ ٹیم تا نیام اٹ چار ٹیسٹ میچ آتا سیریز نا اولیکو ٹیسٹ (اینو) پنچ شنبے آ لارڈز، لندن اٹی بناءکیک۔ قومی کرکٹ ٹیم دادے تے ٹی مصباح الحق نا سروکی ٹی انگلینڈ نا دورہ غاٹی ئِ ہراڑے او چار ٹیسٹ ، پنچ ون ڈے و اسہ ٹی 20 میچ اس گوازی کیک۔ پاکستان کرکٹ ٹیم نا کیپٹن مصباح الحق پارینے کہ انگلینڈ ئِ اولیکو ٹیسٹ اٹی باترسا ٹیسٹ سیریز نا بناءفاتحانہ انداز اٹی کینہ۔ پاکستان و انگلینڈنا نیام اٹ چار ٹیسٹ میچ آتا سیریز نا اولیکو ٹیسٹ (اینو) آن لارڈز ، لندن اٹی بناءکیک وخت اس کہ ارٹ میکو ٹیسٹ 22آن 26جولائی اسکان اولڈ ٹریفورڈ، مانچسٹر ، اٹی گوازی کننگک۔ اوکان گڈ قومی ٹیم ووسٹر شائر نا برخلاف 29 آن 30 جولائی اسکان ٹورمیچ گوازی کیک۔ سیریز نا مسٹ میکو ٹیسٹ 3آن 7اگست اسکان ایجبسٹن ، برمنگھم وخت اس کہ چار میکو و آخریکو ٹیسٹ 11آن 15اگست اسکان لینگٹن اوول، لندن اٹی گوازی کننگک۔ قومی ٹیم آئر لینڈ نا برخلاف اولیکو ون ڈے 18اگست وخت اس کہ ارٹ میکو و آخریکو ون ڈے 20 اگست آ ڈبلن اٹی گوازی کیک۔ پاکستان و انگلینڈ نانیام اٹ پنچ ون ڈے میچ آتا سیریز نا اولیکو میچ 24اگست آ ساﺅتھمپٹن ، ارٹ میکو27اگست آ لندن، مسٹ میکو 30اگست آ نوٹنگھم ، چارمیکو یکم ستمبر آ لیڈز وخت اس کہ پنچ میکو و آخریکو ون ڈے 4ستمبر آ کارڈف اٹی گوازی کننگک۔ دورہ ٹی اوار اسٹ انگا ٹی 20 انٹرنیشنل 7ستمبر آ اولڈ ٹریفورڈ ، مانچسٹر اٹی گوازی کننگک۔
