پاکستان ءَ گیر کانودی رنگ ءَ نندوکیں اوگان راج گوں ناشرکاری ءَ دست مانجن اَنت، ڈی جی آئی ایس پی آر

اسلام آباد۔19ستمبر  (اے پی پی): پاکستان ءَ گیر کانودی رنگ ءَ نندوکیں اوگان  راج گوں ناشرکاری ءَ دست مانجن اَنت۔ ڈائریکٹر جنرل انٹر سروسز پبلک ریلیشنز لیفٹیننٹ جنرل احمد شریف چوہدری ءَ گوشت کہ پاکستان ءَ ناجائزیں رنگ ءَ نندوکیں  اوگان شہری ناشرکاری ءُُ مزنیں جرم آنی تہ ءَ ھوار بوھگ ءِ پکوئیں  شاہدی  است انت۔ ڈی جی آئی ایس پی آر ءَ جرمن میگزین ءَ گوں تران کنان ءَ گوشت کہ پاکستان ءَ 40 سال ءَ چہ لکھانی اوگان پناہ گزین آنی میزبانی کتگ۔ آئی ءَ گوشت کہ پاکستان ءَ اوگان پناہ گِر آنی وتی ملک ءَ باوقاریں رنگ ءَ واتر بوھگ ءِ واستہ گیشیں بندوبست کتگ۔ آئی ءَ گوشت کہ پاکستان ءَ انسانی کمک ءِ بنیاد ءَ اوگان پناہ گزین آناں وتی ملک ءَ واتر کنگ ءِ ڈیڈ لائن ءَ را بازیں رند ءَ گیش کتگ۔ آئی ءَ گوشت کہ اوگان پناہ گزین آناں پناہ دیگ ءِ مستریں سبب درملکی مداخلت ءُُ تہی جنگ بوتگ کہ نوں نیست انت۔ ڈی جی ءَ گوشت کہ امریکہ ءِ اوگانستان ءَ چہ درکپگ ءَ پد پشت کپتگیں امریکی سلاہ پاکستان ءَ ناشرکاری ءِ کار آنی تہ ءَ کارمرد کنگ بوھگ ءَ انت۔ آئی ءَ گیش کرتگ کہ تانکہ امریکہ ءَ ھم اے سلاہانی ناشرکاری ءِ کارانی تہ ءَ کارمرد کنگ ءِ سر ءَ جیڑگ ءِ درشانی کتگ۔ یک جست ءِ پسو ءَ احمد شریف ءَ گوشت کہ بھارت ءَ زوراکی ءِ وئیل بھارتی حکومت ءِ گیش بوھوکیں انتہا پسندی ءِ پالیشی آنی آسر اَنت۔ آئی ءَ گوشت کہ بھارت مدام وتی اندری جیڈھ آناں درائیں ءُُ درائیں جیڈھ آناں اندری جیڈھ آنی رنگ ءَ پیش کنت۔ ڈی جی ءَ گوشت کہ بھارت سرکاری اسپانسر شپ ءِ چیر دستی ءَ پاکستان ءَ ناشرکاری ءِ کار آنی تہ ءَ ھوار اِنت، آئی ءَ گوشت کہ اے وڑیں کار آنی تہ ءَ بھارتی فوج ءِ افسر آنی سروسنگ ءِ معتبریں شواہد است اَنت۔ آئی ءَ گوشت کہ پاکستان ءَ ھم بازیں رند ءَ بھارتی ناشرکاری ءِ شواہد میاں اوستمانی براتی ءِ دیم ءَ پیش کتگ اَنت۔ کشمیر ءِ جیڈھ ءِ بابت ءَ جُست کنگ ءِ وھد ءَ آئی ءَ میاں اوستمانی براتی ءَ را زور پر دات کہ آ دیراں چہ استیں جیڈھ ءِ گیواری ءَ وتی کرد ءَ پیلو بہ کنت۔ آئی ءَ اے گپ ءِ سر ءَ زور پر دات کہ پاکستان سرجمیں بورڈ ءِ تہ ءَ درستیں غیر ریاستی کارکن آناں رد کنت۔ آئی ءَ گوشت کہ پاکستان ءَ ھچ وڑیں سلاہ بندیں گل آنی واستہ گنجائش نیست ءُُ ریاست ءَ ابید دگہ ھچ گل یا مردم ءَ را جہاد ءِ جار جنگ ءِ واک نیست۔ آئی  ءَ گوشت کہ پاکستان ءَ ناشرکاری ءِ ھلاپ ءَ جنگ ءَ نہ ایوک ءَ فرنٹ لائن اسٹیٹ ءِ کرد پیلو کتگ بلکینگ ءَ بے دروریں قربانی ھم داتگ۔ گوستگیں پاکستان ءُ بھارت ءِ جیڑہ ءِ وھد ءَ مارکا حق ءِ وھد ءَ امریکی صدر ٹرمپ ءَ اسٹریٹجک لیڈر شپ ءِ کرد پیلو کتگ۔ آئی ءَ گوشت کہ امریکہ ءَ بندش جتگیں مجید برگیڈ ءَ را جھان ءِ ناشرکاریں گل لیک اتگ۔ دگہ جُستے ءِ پسو ءَ ڈی جی ءَ گوشت کہ پاکستان ءِ وتی براتیں ملک چین ءِ گوما جوڑیشت ءُُ اسٹریٹجک سیادی اَنت۔ آئی ءَ گوشت کہ بلوچستان ءَ بیران بوتگیں بازیں ناشرکار کہ  پہ دروگ بیگواھیں مردمانی لڑ ءَ ھوار کنگ بوتگ انت۔