پاک سعودی اسٹریٹجک دفاعی معاہدہ ہڑتوم آملک آتا تعلقداری ٹی اسہ پوسکن ءُ بشخ اسے نا بناءِ ، پاکستان مسلم لیگ (ن) بلوچستان نا مرکزی سینئر راہشون چوہدری نعیم کریم

کوئٹہ۔ 19 ستمبر (اے پی پی)پاکستان مسلم لیگ (ن) بلوچستان نا مرکزی سینئر راہشون چوہدری نعیم کریم پاکستان و سعودی عرب نا نیام اٹ طے مروک آ اسٹریٹجک تین پہ تینی دفاعی معاہدہ ءِ ستاکڑزوک و ہڑتوم آ ایلم ملک آتا نیام اٹ تعلقداری ٹی اسہ تاریخی پیش رفت اس گوندسا پارینے کہ پاکستان و سعودی عرب نا نیام اٹ دفاعی کمکاری نا دا پوسکن آ بشخ ڈیہہ اٹی سوگوی و شونداری نا پوسکن آ دور انا بنداو ءِ تخک مچ آ قوم وزیراعظم و سعودی سرکڑدہ غاتا بصیرت و دوراندیش فیصلہ غاتیا گمر کیک۔ مسلم لیگ (ن) بلوچستان نا رابطہ آفس آن جاری مروک اسہ بیان اسے ٹی چوہدری نعیم کریم وزیراعظم محمد شہباز شریف و سعودی سرکڑدہ غاتے دا اہم و تاریخی معاہدہ غا خراج تحسین پیش کرساپارے کہ دا دفاعی شریداری پاکستان و سعودی عرب نا نیام اٹ متکن آ ایلمی تعلقداری تے پوسکن ءُ جہت اس ایتک۔ اوپارے کہ پاک سعودی اسٹریٹجک دفاعی معاہدہ ہڑتوم آملک آتا تعلقداری ٹی اسہ پوسکن ءُ بشخ اسے نا بناءِ سعودی عرب مدام پاکستان نا مخلص سنگت و پت انا قابل شریدار مسنے۔ اوپارے کہ دا معاہدہ نئے بیرہ دفاعی پڑاٹی ہڑتوم آملک آتا نیام اٹ کمکاری ءِ مون آ دیک بلکن ڈیہہ انا امن، سوگوی و شونداری ٹی ہم اہم کڑد ادا کیک۔ اوپارے کہ پاکستان و سعودی عر ب نا نیام اٹ اسٹریٹجک معاہدہ غا ولی عہد محمد بن سلمان، وزیراعظم شہباز شریف و فیلڈ مارشل مبارکبادی نا حقدار ءُ، پاکستانی فوج ءِ مبارک مرے کہ او ارض حرمین شریفین نا دفاع ءِ کیک۔ اوپارے کہ اسیجائی دفاعی معاہدہ واک انا درشانی نا جاگہ غا دفاع نا ضامن مریک  دانا مسخت ڈیہہ اٹی امن نا مون آ دننگ و توازن ءِ برقرار تخنگ ءِ ، اسہ وارولدا پاک فوج انا لائخی تا اعتراف مسنے معاہدہ غان ڈیہہ اٹی دفاعی سوگوی ءِ دوام ملک دامعاہدہ پاکستان نا دفاع ءِ سوگو کننگ و ڈیہہ اٹی امن وسلامتی نا مون آدننگ کن تاریخی گام اسے۔ اوپارے کہ پاکستان و سعودی عرب نا الس نا است اسہ ایلو کن مہرومریبت و شرف آن پُر ءُ خاص وڑاٹ پاکستانی قوم مکہ مکرمہ و مدینہ منورہ کن والہانہ عقیدت و بدل مفروک شرف تخک۔