پاک چین ءِ دوستی بے دروریں، وھد ءِ آزمائشی ءُ پاکستان ءِ دری پالیشی ءِ بنیاتی سنگ اِنت، پاکستان ناشرکاری ءُ انتہا پسندی ءِ ھلاپ ءَ چین ءِ گوما کار کنگ ءَ برجاہ دار ایت، صدر آصف علی زرداری

ارومچی۔18ستمبر  (اے پی پی): صدر آصف علی زرداری ءَ گوشت کہ پاک چین ءِ دوستی بے درور، وھد ءِ چکاسگ بوتگ ءُ پاکستان ءِ دری پالیسی ءِ بنیاتی سنگ اِنت، پاکستان ناشرکاری ءُ انتہا پسندی ءِ ھلاپ ءَ چین ءِ گوما کار کنگ ءَ برجاہ دار ایت ءُ کشت ءُ کشاری، مینوفیکچرنگ، لائیو اسٹاک ءُ نوکیں ٹیک انڈسٹری، انڈسٹری ءِ پڑ ءَ کمک ءَ را گیش کنت۔ پنچ شمبے ءِ روچ ءَ صدارتی ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت آصف علی زرداری ءَ اے گپ ارومچی ءَ سینکیانگ اویغور وت واجہیں دمگ ءِ کمیونسٹ پارٹی ءِ سیکرٹری چن شباؤ جوبنگ ءَ گوں گند ءُ نند ءِ ساھت ءَ گوشت۔ اے موہ ءِ سر ءَ سینکیانگ ءِ اویغور ءِ وت واجہیں دمگ ءِ گورنر ارکین تونارز ھم ھوار ات۔ کمیونسٹ پارٹی ءِ سیکرٹری چن شیائو جیانگ  ءَ صدر ءِ مملکت ءَ را وش اتک کت ءُ صدر آصف علی زرداری ءِ 2011ءَ ارومچی ءِ تر ءُ تاب ءِ یات ءَ کت کہ آ یک نمائش (ایکسپو) ءَ بہر بہ زوریت۔ آئی ءَ اے سال ءِ فروری ءَ صدر ءِ بیجنگ ءِ تر ءُ تاب ءِ ھم یات کت کہ ایشی ءِ تہ ءَ آئی ءَ صدر شی جن پنگ ءَ گوں گند ءُ نند کتگ ءُ جتا جتائیں شوبگ آنی تہ ءَ معاہدہ ءُ مفاہمت نامہ آنی سر ءَ دستخط کنگ ءِ مراگش ءَ بھر زوری کتگ۔ آئی ءَ مزن وزیر شہباز شریف ءِ شنگھائی کمکی گل ءِ سروک دیوان ءُ چینی انقلاب ءِ سوبمندی ءِ 80 سالی روچ ءِ سر ءَ چین ءِ گوستگیں تر ءُ تاب ءِ سر ءَ ھم زور پر دات کہ ایشی ءِ ساھت ءَ آ سی پیک ءِ دومی بھر ءِ بندات ءَ را ترند کنت ایشی ءِ تہ ءَ ارباں ڈالر ءِ صنعت ، صنعت ءُ کان کنی ءِ زرّ ءِ معاہدہ ھوار اَنت۔ پارٹی سیکرٹری ءَ زور پر دات کہ سینکیانگ نوں وشھالی، چاگردی استحکام ءُ پائیدار امن ءِ مرکز جوڑ بوتگ، ایشی ءِ جی ڈی پی 5.6 ٹریلین یوآن ءَ چہ گیش اِنت۔ آئی ءَ گوشت کہ دمگ ءِ کشت ءُ کشاری ءُ جانور داری ءِ شوبگ ءَ دیمروئی کنگ ءَ انت، ھمے وھد ءَ انتہا پسندی ءُ ناشرکاری ءِ بُن ھشت آناں نشانگ جوڑ کنگ ءَ انت۔ آئی ءَ اے ھم گْوشتگ کہ گوستگیں روچاں بلوچستان ءِ گورنر ءُ گلگت بلتستان ءِ سر وزیر ءَ سینکیانگ ءِ تر ءُ تاب کتگ۔ چن شاؤ جالنگ ءَ گوشت کہ پاکستان ءُ چین ءِ نیام ءَ 8 براتیں شہر ءِ معاہدہ است انت ایشی ءِ تہ ءَ ارومچی ءُ پشاور ءِ نیام ءَ معاہدہ ھم ھوار انت۔ آئی ءَ گوشت کہ سینکیانگ پاکستان ءِ گوما ھاسیں رنگ ءَ کشت ءُ کشاری، آبی زراعت، کان کنی ءُ صنعت ءِ شوبگ آنی تہ ءَ حکومت ءَ چہ حکومت (جی ٹو جی) ءُ کاروبار ءَ چہ کاروباری (بی ٹو بی) کمک ءَ را گیش کنگ ءِ واستہ واھشت مند اِنت۔ آئی ءَ اے گپ ءِ سر ءَ زور پر دات کہ چین ءُ پاکستان دوئیں ملک آناں نشانگ جوڑ کنوکیں ناشرکاریں گل آنی ھلاپ ءَ صفر رواداری ءَ برجاہ دار اَنت ءُ ناشرکاری ءُ ناامنی ءِ ھلاپ ءَ جنگ ءَ وت مہ وتی کمک ءِ سر ءَ وتی عزم ءِ سر ءَ زور پر دات۔ صدر آصف علی زرداری ءَ گوشت کہ آ یک رندے پدا سینکیانگ ءِ تر ءُ تاب ءَ آں ءُ چین ءِ الس ءِ یکوئی ءُ دمگ ءِ قابل ذکریں دیمروئی ءَ گندگ ءَ سک باز وش آں ۔ آئی ءَ یک رندے پدا گوشت کہ پاک چین ءِ دوستی بے دروریں، وھد ءِ آزمائشی ءُ پاکستان ءِ دری پالیشی ءِ بنیاتی سنگ اِنت۔ صدر ءِ مملکت ءَ گوشت کہ پاکستان کشت ءُ کشار، مینوفیکچرنگ، لائیو سٹاک، صنعت، کان کنی ءُ نوکیں ٹیکنالوجی ءِ شوبگ آنی تہ ءَ کمک ءَ را گیش کنگ ءِ وھد ءَ چین ءِ گوما ناشرکاری ءُ انتہا پسندی ءِ ھلاپ ءَ کار ءَ را برجاہ دار ایت۔ آئی ءَ امیت سہرا کت کہ سینکیانگ ءُ پاکستان ءِ رودراتکی دمگ آنی نیام ءَ گیش بوھوکیں سیادی دود ءُ ربیدگی ءُ اقتصادی سیادی ءَ را گیش مھکم کن اَنت۔ صدر ءِ مملکت ءَ گوشت کہ آ روچ ءِ ودار ءَ آں کہ دوئیں ملک سڑک ءِ وسیلگ ءَ گوں آسانی ءَ یکے دومی ءَ سر بہ بنت۔ سی پیک ءِ تہ ءَ سندھ ءِ المی ئیں کرد ءَ را پدر کنان ءَ صدر ءِ مملکت ءَ صنعتی ءُ کشت ءُ کشاری کمک ءَ را گیش کنگ ءِ واھشت ءِ درشان کت ءُ گلگت بلتستان ءَ ھاسیں اقتصادی زون آنی توانائی ءِ ھوالگ ءَ ھم گوشت۔ آئی ءَ سندھ ءِ الس ءَ را پاکستان ءِ رودراتکی دمگ آنی تر ءُ تاب کنگ ءِ دعوت دات ءُ اے گپ ءِ سر ءَ زور پر دات کہ پاکستان ھمساھگیں ملک ءِ برجم تریں شریک ءُ بھروسہ مندیں سنگت ءِ رنگ ءَ مان ایت۔ دیوان ءَ چہ پد چن شیائو جیانگ  ءَ صدر ءِ مملکت ءُ آئی ءِ ڈل ءِ شرپ ءَ دیوان ءِ بندوبست کنگ بیت۔ اے موہ ءَ سینیٹر سلیم مانڈوی والا، سندھ ءِ   وزیر توانائی ناصر شاہ ، چین ءَ پاکستان ءِ سفیر ءُ پاکستان ءَ چین ءِ سفیر ءَ ھم بھر زوری کت۔