چین ءُ پاکستان ءِ ڈونکی ءِ صنعت ءِ دیمروی ءِ دیوان ءِ برجم دارگ بوت

اسلام آباد۔18ستمبر  (اے پی پی): چین ءُ پاکستان ءِ ڈونکی ءِ صنعت ءِ دیمروئی فورم ءَ ’’موہ آنی بھر ءُ بانگ، آیوکیں سوبمندی ءِ پیداک کنگ‘‘ ءِ سرھال ءَ فورم ءِ برجم دارگ بوت کہ ایشی ءِ تہ ءَ دوئیں ملک آنی سداں کارندہ، زانتکار، صنعت کار ءُ سرکاری کارندہ آناں بھر زرتگ۔ اے فورم پاکستان ءِ چین چیمبر آف کامرس ءُ سانگ یونگ انڈسٹریل (بائیجنگ) گروپ کمپنی لمیٹڈ ءِ کمک ءَ چین ءِ سفارت ءُ راجی فوڈ سیکیورٹی ءُ نیوٹریشن ءِ وزارت پاکستان ءِ رہشونی ءَ برجم دارگ بوتگ۔ افتتاحی دیوان ءَ گوں تران کنان ءَ راجی فوڈ سیکیورٹی ءُ نیوٹریشن ءِ وزارت ءِ سیکرٹری امیر محی الدین، چینی سفارتخانہ ءِ چارج ڈی افیئرز شی یوآنچانگ ءُ ایندگر شرپداریں مہماناں ڈونکی ءِ صنعت ءَ را زرعی معیشت ءِ یک ھاسیں شوبگ ءِ رنگ ءَ گشتگ۔ گشتانک دیوکاں اے گپ ءِ سر ءَ زور پر دات کہ صنعت ءَ را آرکیٹیکچرل، پائنیر، برانڈڈ ءُ انڈسٹریل لائنز ءِ سر ءَ جوڑ کنگ بہ بیت۔ فورم ءِ ساھت ءَ جتا جتائیں تھیمٹک سیشن برجم دارگ بوتگ اَنت کہ ایشی ءِ تہ ءَ ڈونکیانی جینیاتی وسیلگ آنی رکھینگ، جان سلامتی ءِ نسل کشی، ضمنی پیداوار آنی کارمردی، ڈیٹا ٹیکنالوجی ءُ مارکیٹنگ ءِ حکمت عملی ھوار اَنت۔ اے موہ ءِ سر ءَ راجی وردن ءِ سلامتی ءُ ھمگرنچی ءِ وزارت ءَ ڈونکی ءِ صنعت ءِ واستہ برآمداتی معاہدہ ءُ ریگولیٹری فریم ورک ءِ جار جتگ وھدے کہ پاکستان ءَ چین چیمبر آف کامرس ءَ ”ڈونکی ءِ صنعت ءِ ایمنیں ریگولیشن ءِ اعلامیہ“ شنگ کتگ کہ ایشی ءِ تہ ءَ کانود ءِ رد ءَ عمل کنگ، پائیداری، دمگی کارکن آنی ھک ءِ احترام ءُ ’ فورم ءِ ساھت ءَ عملی کمک ءِ واستہ بازیں معاہدہ ءُ مفاہمت نامہ ءِ سر ءَ دستخط کنگ بوتگ ایشی ءِ تہ ءَ چین ءُ پاکستان ءِ یکجائی لیبارٹری برائے ڈونکی ءِ صنعت ءِ جدت ءِ جوڑ کنگ ءُ جتا جتائیں یونیورسٹی ءُ ادارگ آنی نیام ءَ کمک ھوار انت۔ شریکیں مردماں اے جزم ءِ درشانی کت کہ یکجائی کوشست آنی وسیلگ ءَ ڈونکی ءِ صنعت ءَ را نوک کنگ، دیمروئی کنگ ءُ ملک ءِ وشھالی ءِ تہ ءَ کمک کنوکیں شوبگ جوڑ کنگ بیت تانکہ پاکستانی کشت ءُ کشاری ءِ آمدنی گیش بہ بیت ءُ دوئیں ملک آنی اُلس ءَ را جوانیں اقتصادی موہ آناں چہ وشھال بہ بنت۔