تہران۔18ستمبر (اے پی پی): وفاقی وزیر برائے تجارت جام کمال خان ءَ گوں ایران ءِ کشت ءُ کشاری ءِ وزیر غلام رضا نوری ءَ گند ءُ نند کتگ ءُ ایران ءُ پاکستان ءِ نیام ءَ برجاھیں کشت ءُ کشاری کمک ءَ را گیش گیش کنگ ءِ راہ ءُ درانی سر ءَ گپ ءُ تران کتگ۔ وزارت تجارت ءِ نیمگ ءَ چہ جاڑی بوتگیں پریس ریلیز ءِ رد ءَ پنچ شمبے …
وفاقی وزیر تجارت جام کمال خان ءَ گوں ایران ءِ کشت ءُ کشاری ءِ وزیر غلام رضا نوری ءَ گند ءُ نند کتگ، دوئیں ملک آنی نیام ءَ کشت ءُ کشاری کمک ءَ را گیش کنگ ءِ سر ءَ تپاک کتگ
گیشتریں ھال
تہران۔18ستمبر (اے پی پی): وفاقی وزیر برائے تجارت جام کمال خان ءَ گوں ایران ءِ کشت ءُ کشاری ءِ وزیر غلام رضا نوری ءَ گند ءُ نند کتگ ءُ ایران ءُ پاکستان ءِ نیام ءَ برجاھیں کشت ءُ کشاری کمک ءَ را گیش گیش کنگ ءِ راہ ءُ درانی سر ءَ گپ ءُ تران کتگ۔ وزارت تجارت ءِ نیمگ ءَ چہ جاڑی بوتگیں پریس ریلیز ءِ رد ءَ پنچ شمبے ءِ روچ ءَ برجم داشتگیں گند ءُ نند ءِ ساھت ءَ دوئیں نیمگ ءَ زرعی کمک ءِ یکجائی کمیشن ءِ سر ءَ عمل کنگ ءِ واستہ وتی عزم ءِ پدا پدر کنگ ءُ پاکستان ءِ وزیر سیکورٹی لا نیشنل فوڈ ءِ تر ءُ تاب ءِ ساھت ءَ بوتگیں مفاہمت ءِ رد ءَ زرعی پیداوار آنی درآمد ءِ آسراتی ءِ سر ءَ تپاک کنگ بوتگ۔ ایران ءِ وزارت کشت ءُ کشاری آیوکیں دو ہفتگ ءِ تہا یک مزن تک ءِ ڈل ءَ پاکستان ءَ روان دنت تانکہ پاکستانی مکئی ءِ ایران ءَ برآمد کنگ ءِ بندوبست آناں گڈی رنگ ءَ بہ دنت۔ جام کمال خان ءَ پاکستانی برنج ءُ گوشت ءِ درآمد ءِ تہ ءَ گیشی ءِ پد ءَ ایرانی نیمگ ءِ ھم شگر ءُ منت گپت۔ ایران ءَ پاکستان ءِ سوڈ کونسل آنی گوما سویابین ءِ دیمروئی ءُ نادراھی ءِ ھلاپ ءَ مزاحمیں رِد ءُ بند آنی دیمروئی ءِ ھوالگ ءَ یکجائی پٹ ءُ پول ءِ بندات کنگ ءِ تہ ءَ سک باز دلگوشی ءِ درشانی کتگ ءُ ایشی ءِ مول ءُ مراد دوئیں ملک آنی تہ ءَ فوڈ سیکیورٹی ءُ کشت ءُ کشاری نوآبادیاتی ءِ مھکم کنگ اِنت۔
