پاک سعودی دو نیمگی دیمپانی منوگری ءِ دیمروئی ءُ سرجمی ءِ تہا آرمی چیف فیلڈ مارشل سید عاصم منیر ءِ ھاسیں کرد، دوئیں ملکانی دیریں سیادی ءُ دوستی یک کشک ءَ  رھادگ اَنت

اسلام آباد۔18ستمبر  (اے پی پی): اسٹریٹجک دو نیمگی دیمپانی منوگری ءِ دیمروئی ءُ سرجمی ءِ تہ ءَ آرمی چیف فیلڈ مارشل سید عاصم منیر ءِ ھاسیں کرد ھاسیں رنگ ءَ انت۔ پنچ شمبے ءِ روچ ءَ شنگ بوتگیں ھال آنی رد ءَ پاکستان ءُ سعودی عرب ءِ نیام ءَ دیریں سیادی ءُ دوستی یک موڑ ءِ سر ءَ انت۔ گوستگیں روچاں سعودی عرب ءِ تر ءُ تاب ءِ وھد ءَ مزن وزیر محمد شہباز شریف ءُ آرمی چیف فیلڈ مارشل سید عاصم منیر ءَ را مزنیں وش اتک کنگ بوت۔ اے بے دروریں  شرپ ءُ ازت  اے گپ پدر کت کہ اے سیادی ایوک ءَ سفارتکاری ءَ گوں بندوک نہ انت بلکیں   اللہ پاک ءِ گس ءُ واجہ  محمد مصطفیٰ   صلى الله عليه وسلم ءِ  ادیرہ  ءِ سبب  یک ءُ دگر ءُ  بندوک انت۔ اے موہ ءِ سر ءَ دوئیں ملک آنی نیام ءَ اسٹریٹجک وت مہ وتی دفاع ءِ منوگری ءِ سر ءَ دستخط کنگ بوتگ کہ اے دیمپانی کمک ءُ یکجائی ایمنی ءِ تہ ءَ انقلابی گامگیج اِنت۔ اے منوگری ءِ رد ءَ دوئیں ملکانی سر ءَ اُرش دوئیں ملکانی سر ءَ اُرش زانگ بیت کہ ایشی ءَ چہ دیمپانی اتحاد ءُ یکجاھیں ایمنی گیش مھکم بیت۔ اے منوگری ءِ رد ءَ نوں پاکستان مزار مقدس ءِ دفاع ءُ سعودی عرب ءِ ایمنی ءِ تہا اسٹریٹجک شریک جوڑ بیت۔ اے منوگری دوئیں ملک آنی نیام ءَ دہائی آنی کوھنیں فوجی کمک، یکجائی  ایکسرسائز  ءُ دیمپانی سیادی ءَ را یک شلی ءَ  اسٹریٹجک شراکت داری ءِ تہ ءَ بدل کنت۔ اے منوگری ءَ چہ دمگ ءَ نہ ایوک ءَ امن ءُ جھان ءِ ایمنی ءِ دیمروئی بیت بلکیں اقتصادی، سفارتی ءُ فوجی پڑ ءَ ھم مزنیں موہ پیداک بیت۔