اسپیکر راجی اسمبلی ءَ مزن وزیر شہباز شریف ءُ سعودی سروکی ءِ نیام ءَ دو نیمگی دیمپانی منوگری ءِ سر ءَ دستخط کنگ ءَ را وش اتک کنگ بوتگ

اسلام آباد۔18ستمبر  (اے پی پی): راجی اسمبلی ءِ اسپیکر سردار ایاز صادق ءَ مزن وزیر شہباز شریف ءُ سعودی سروکی ءِ نیام ءَ دو نیمگی دیمپانی منوگری ءِ سر ءَ دستخط کنگ ءَ را وش اتک کنان ءَ گوشت کہ پاکستان ءُ سعودی عرب ءَ دیمپانی کمک ءِ تہ ءَ نوکیں باب ءِ بندات کتگ ایشی ءِ واستہ دوئیں ملک دل ءِ جہلانکی ءَ چہ مبارکی ءِ مستحق اَنت۔ وتی گشتانک ءِ تہ ءَ آئی ءَ گوشت کہ مزن وزیر محمد شہباز شریف ءُ فیلڈ مارشل سید عاصم منیر ءِ سروکی ءُ سروکی ءِ سر ءَ سرجمیں راج ءَ را پھر انت ۔ سعودی عرب مدام پاکستان ءِ ساپ دلیں شریک بوتگ ءُ مرچیگیں منوگری اے دوستی ءَ را عملی رنگ دیگ ءِ تہا مزنیں سوبمندی یے ۔ پاکستان ءُ سعودی عرب اسلام ءُ امن ءِ مشترکہ طاقت انت ءُ آہانی یکوئی بے شکست انت ۔ آئی ءَ گوشت کہ مزن وزیر محمد شہباز شریف ءَ سعودی ولی عہد محمد بن سلمان ءِ گوما بھروسہ ءُ براتی ءِ نوکیں بنیات ایر کتگ کہ آیوکیں باندات ءِ واستہ نیکیں بنیات انت۔ اے منوگری پاکستان ءِ دفاع ءَ را مھکم کنگ ءُ دمگ ءَ امن ءُ ایمنی ءِ دیمروئی ءِ ھاترا راجدپتری گامگیج اِنت کہ ایشی ءِ سر ءَ سرجمیں راج ءَ را فخر اِنت۔ مسلمان امت ءِ یکیں حمایت پاکستان اِنت ءُ پاکستان ہر پڑ ءَ امت ءِ دفاع ءُ رکھینگ ءَ کنت۔