ادارُکی صدر یوسف رضا گیلانی ءَ روس ءِ سپیکر مس والینٹینا میٹویینکو  ءَ گوں ٹیلی فون ءِ سر ءَ گپ ءُ تران کتگ ءُ آئی ءَ را انٹرنیشنل اسپیکر کانفرنس ءَ بہر زورگ ءِ دعوت دات

اسلام آباد۔18ستمبر  (اے پی پی): ادارُکی صدر یوسف رضا گیلانی ءَ روس ءِ سپیکر مس والینٹینا میٹویینکو  ءَ گوں ٹیلی فون ءِ سر ءَ گپ ءُ تران کت ءُ آئی ءَ را انٹرنیشنل اسپیکر کانفرنس ءَ بھر زوری ءِ دعوت دات۔ صدارت ءِ پریس ونگ ءِ نیمگ ءَ جاڑی بوتگیں بیان ءِ رد ءَ ادارُکی صدر ءَ روس ءُ پاکستان ءِ نیام ءَ پارلیمانی سیادی ءَ را گیش مھکم کنگ ءَ روس ءِ صدر ءِ کرد ءَ را ساڑات۔ آئی ایس سی ءِ مول ءُ مراد پارلیمانی سفارتکاری ءَ را دیمروئی دیگ ءُ امن ءُ ایمنی ءُ وشھالی ءَ را گیش کنگ اِنت ۔ آئی ءَ گوشت کہ روس ءِ بھر زوری ءَ چہ کانفرنس گیش بامرد جوڑ بیت ءُ جھان ءِ امن ءُ برجمیں دیمروئی ءِ یکجائی مول ءُ مراد آناں دیم ءَ برگ بیت۔ روسی اسپیکر ءَ  دل یکیمی  دات کہ کانفرنس ءَ روس ءِ نمائندگی بُرزیں تک ءَ کنگ بیت۔