صدر آصف علی زرداری ءَ ارومچی ءِ شہری آپریشنز اینڈ مینجمنٹ سینٹر  ءِ تر ءُ تاب کت کہ ارومچی ءِ میئر ءُ سنکیانگ ءِ معاون گورنر ءَ آئی ءَ را وش آتک کت

ارومچی۔18ستمبر  (اے پی پی): صدر آصف علی زرداری ءَ چین ءِ شہر ارومچی ءِ شہری آپریشن اینڈ مینجمنٹ سینٹر ءِ تر ءُ تاب کتگ ءُ اودا ارومچی ءِ میئر ءُ سنکیانگ ءِ نائب  گورنر ءَ آئی ءَ را وش آتک کتگ۔ پنچ شمبے ءِ روچ ءَ صدر ءِ مملکت ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءُ آئی ءِ ڈل ءَ را گوشگ بوت کہ مرکز 30 ءَ چہ گیش محکمہ آناں ڈیجیٹل رنگ ءَ یکجا کنگ ءَ چہ شہری آناں 200 ءَ چہ گیش ازمت پجاری کنت۔ اے مرکز سرکاری آسراتی آنی واستہ یک سٹاپ ہب ءِ بستار ءَ کار کنت ءُ ایشی ءَ ابید راجمانی جان سلامتی، صفائی، سڑک آنی ایمنی، افادیت ءُ ہنگامی رد عمل ءِ پڑ آنی تہ ءَ ھمگرنچی ءِ وسیلگ ءَ کار کنت۔ صدر آصف علی زرداری ءَ تفصیلی منصوبگ ءِ تہا سک باز دلچسپی ءِ درشانی کتگ ءُ منصوبگ ساز آنی وژن ءَ را ساڑاتگ۔ آئی ءَ گوشت کہ سٹی مینجمنٹ ءِ رنگ ءَ پاکستان ءِ واستہ ارزشتی ایں سبق رس ایت، صدر ءِ مملکت ءَ امیت سہرا کت کہ پاکستان ءِ اربن پلانر اے تجربگ ءَ چہ ھیل  زور اَنت ءُ بنجاہی ضلورت آنی رد ءَ نظام ءَ وتی ردوم زور اَنت۔ اے موہ ءَ سینیٹر  سلیم منڈوی والا،  ءُ چین ءَ پاکستان ءِ  سفیر  ءُ پاکستان ءَ چین  ءِ سفیر  ساڑی اتنت۔