حکومت ءِ دلگوش شریں روزگار ءُ نوکیں تکنیکی ءُ پیشہ وارانہ تربیت ءِ وسیلگ ءَ ورنا آناں چیلنج آنی تہ ءَ چہ اقتصادی موہ آنی تہ ءَ بدل کنگ ءِ سر ءَ دلگوشی دیگ ءَ اِنت، مزن وزیر شہباز شریف ءِ گوں پاکستان ٹی وی ڈیجیٹل ءَ ھاسیں گپ ءُ تران

اسلام آباد۔17ستمبر  (اے پی پی):مزن وزیر شہباز شریف ءَ گوشت کہ حکومت جوانیں روزگار ءُ نوکیں ٹیکنیکلءُ پیشہ وارانہ تربیت پجاری ءِ وسیلگ ءَ ورنا آناں چیلنج آنی تہ ءَ بدل کنگ ءِ سر ءَ دلگوشی انت۔ ما سیلاب ءَ چہ پیداکیں چیلنج ءَ گوں یکجائی کوشست ءَ گوں دیم پہ دیم ایں ۔ منی ھیال ایش انت کہ پاکستان فخر بہ کنت، اقتصادی وشھالی ءُ دیمروئی ءِ مزنیں سنگ میلاں چہ ٹپّی بہ بیت ءُ مزنیں فوجی قوت ءِ جوڑ بہ بیت۔ چار شمبے ءِ روچ ءَ پاکستان ٹی وی ڈیجیٹل ءَ گوں ھاسیں گپ ءُ تران ءِ تہ ءَ آئی ءَ گوشت کہ ورنا مئے آبادی ءِ مزنیں بھرے اَنت۔ ایشاں لائک جوڑ کنگ ءَ چہ کشت ءُ کشاری شوبگ ءَ را دیمروئی دیگ بیت ءُ تکنیکی ءُ پیشہ وارانہ تربیت ءِ پروگرام آنی سر ءَ عمل کنگ ءَ چہ آبادی ءَ گوں سیادی داروکیں چیلنج آناں اقتصادی موہ آنی تہ ءَ بدل کنگ بیت۔ ملک ءِ استیں اقتصادی جاور ھال آنی ھوالگ ءَ جست ءِ پسو ءَ مزن وزیر ءَ گوشت کہ 2022-23 ءَ پاکستان دیوالیہ بوھگ ءِ نزیک ءَ ات بلے سرکاری اقتصادی ٹیمءُ آئی ءِ زاتی کوشست آنی سبب ءَ معیشت استحکام بوتگ۔ آئی ءَ گوشت کہ غیر معمولی ٹیم ورک، یکجائی کوشست، بے مٹیں کار ءُ مول ءُ مراد ءِ سرجمی ءِ واستہ لگن ءِ وسیلگ ءَ آ اے گپ ءَ گوشت کنت کہ ما اے وھد ءَ یک مھکمیں معیشت ءِ آں ۔ مزن وزیر ئَ گوشت کہ بربادی ئِ سیلاب ئَ مئے معیشت ئَ را انچو تاوان داتگ کہ مئے ھیال ئَ ھم نہ بوتگ۔ آئی ءَ گوشت کہ ما یکجائی کوشست ءَ گوں اے چیلنج ءَ گوں دیم پہ دیم آں ۔ اے درگت ءَ آئی ءَ وفاقی حکومت، نیشنل ڈیزاسٹر مینجمنٹ اتھارٹی، صوبائی حکومت ءُ پاک فوج ءِ نیمگ ءَ سیلاب ءِ سبب ءَ پیداکیں جاور ھال ءُ کمکی کاروائی آنی گوما گر ءُ چیل بوھگ ءِ واستہ کتگیں گامگیج آنی حوالہ دات۔ آئی ءَ گوشت کہ منی واھشت اِنت کہ پاکستان یک انچیں راج ءِ رنگ ءَ سہرا بہ بیت کہ آ اقتصادی وشھالی، امن ءُ وشھالی ءِ ھاترا مزنیں سوبمندییے رس ایت۔ آئی ءَ گوشت کہ منی ویژن ایش انت کہ پاکستان فخر بہ کنت، اقتصادی وشھالیءُ دیمروئی ءِ مزنیں پند ءِ بہ بُر اِئیت ءُیک مزنیں فوجی طاقت ءِ جوڑ بہ بیت۔