سیر لاپیں مردم ءُ  میاں اوستمانی کمکی گل سیلاپ ءِ آماچیں مردم آنی واستہ کمک پجاری بکن اَنت، ادارکی صدر سید یوسف رضا گیلانی

اسلام آباد۔17ستمبر  (اے پی پی): ادارکی صدر سید یوسف رضا گیلانی ءَ     سیر لاپیں مردم ءُ میاں اوستمانی گل  آنی سر ءَ زور پر داست کہ آ دیم  ءَ بیا اَنت ءُ سیلاپءِ آماچیں کمیونٹیز ھاسیں رنگ ءَ زر باری پنجاپ  ءَ کمک پجاری بکن اَنت۔ ایوان ءِ صدر ءِ پریس ونگ ءِ نیمگ ءَ جاڑی بوتگین بیان ءِ رد ءَ استیں ادارکی  صدر ءَ پیسریگیں بنجاھی وزیر ءُ سینئر سیاستدان سینیٹر رانا ثناء اللہ خان ءَ   چار شمبے ءِ روچ ءَ ایوان ءِ صدر ءَ گند ءُ نند کتگ۔ سینیٹر جوڑ بوھگ  ءَ  چہ پد ایش آئی  اولی گند ءُ نند بوتگ۔  ملک ءِ ھواریں سیاسی ء ُ ایمنیءِ جاور ھال  آںی ھوالگ ءَ ھیال ریچی  کنگبوت۔ آءی ءَ وھد  ءُ موہ ءَ گند ءُ نند  ءِ ضلورت ءِ سر ءَ زور پر دات  تانکہ ایش دل یکیمی جوڑ کنگ بہ بیت   کمک ھما مردم آناں سر بہ بیت  ھما واں کہ ایشی ءِ ضلورت اِنت۔ ایشی ءَ ابید ادارکی صدر ءَ  چہ پاکستان  پیپلز پارٹی ءِ بنجاھی سیکرٹری جنرل ءُ خیبر پختونخوا ءِ پیسریگیں  وزیر  ءِ ھزانگ ہمایوں خان ءَ گند ءُ نند کت آئی ءَ ایشرا پارٹی ءِ  جاور ھال  آنی بابت ءَ بریفنگ دات۔