اسلام آباد۔17ستمبر (اے پی پی): سعودی عرب ءِ ولی عہد ءُ مزن وزیر شہزادہ محمد بن سلمان ءِ دعوت ءِ سرا مزن وزیر محمد شہباز شریف سعودی عرب ءِ بنجاہی شہر ریاض ءَ شتگ۔ چار شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ نائب مزن وزیر ءُ دری کارانی وزیر محمد اسحاق ڈار، وزیر دیمپان خواجہ محمد آصف، وزیر …
سعودی ولی عہد محمد بن سلمان ءِ دعوت ءِ سرا مزن وزیر محمد شہباز شریف سعودی عرب ءَ روادگ
گیشتریں ھال
اسلام آباد۔17ستمبر (اے پی پی): سعودی عرب ءِ ولی عہد ءُ مزن وزیر شہزادہ محمد بن سلمان ءِ دعوت ءِ سرا مزن وزیر محمد شہباز شریف سعودی عرب ءِ بنجاہی شہر ریاض ءَ شتگ۔ چار شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ نائب مزن وزیر ءُ دری کارانی وزیر محمد اسحاق ڈار، وزیر دیمپان خواجہ محمد آصف، وزیر خزانہ محمد اورنگزیب، اھوالکاری ءُ شنگ کاری ءِ وزیر عطا اللہ تارڑ، ماحولیات ءِ وزیر مصدق ملک ءُ ھاسیں کمکار طارق فاطمی ھم مزن وزیر ءِ ھمبراہ اَنت۔ سرکاری تر ءُ تاب ءِ ساھت ءَ مزن وزیر ءِ ھمراھی ءَ کنگ ءَ انت۔ مزن وزیر محمد شہباز شریف سعودی ولی عہد محمد بن سلمان ءَ گوں گند ءُ نند کنت ایشی ءِ تہ ءَ پاکستان ءُ سعودی عرب ءِ نیام ءَ سیادی ءِ درستیں تک ءُ پھنات آنی سر ءَ سرجمی ءَ چار ءُ تپاسی کنگ بیت۔ دوئیں رہشون دمگی ءُ جھان ءِ دیمروئی ءِ نیمگ ءَ یکے دومی ءِ ھب ءُ واھگ ءِ جیڈھ آنی سر ءَ ھم ھیال ءُ لیکہ ءِ درشان کن اَنت۔
