وزیراعظم محمد شہباز شریف سعودی ولی عہد شہزادہ محمد بن سلمان نا سلہ غا سعودی عرب آ روانہ

اسلام آباد ۔ 17 ستمبر (اے پی پی) وزیراعظم محمد شہباز شریف سعودی ولی عہد و وزیراعظم شہزادہ محمد بن سلمان نا سلہ غا سعودی عرب نا دارالحکومت ریاض آ روانہ مس۔ چارشنبے نادے آ پی ایم آفس نا میڈیا ونگ آن جاری بیان نا رداٹ سرکاری دورہ ٹی نائب وزیراعظم و وزیرخارجہ محمد اسحاق ڈار ، وزیر دفاع خواجہ محمد آصف ، وزیرخزانہ محمد اورنگزیب، وزیرحوالکاری و شینکاری عطاء اللہ تارڑ ، وزیر چاگڑد مصدق ملک و خصوصی کمکار طارق فاطمی ئسک ہم وزیراعظم تون اوار ءُ۔ وزیراعظم محمد شہباز شریف سعودی ولی عہد شہزادہ محمد بن سلمان تون اوڑدہی کیک ہراٹی پاکستان و سعودی عرب نا نیام اٹ تعلقداری نا غٹ پلوآتا سرجمی اٹ جاچ ءِ ہلنگک۔ ہڑتوم آراہشون علاقائی و جہانی پیش رفت تون اوار تین پہ تینی است خواہی انا مور آہم گپ وتران کیرہ۔