موسمیاتی بدلی ءُ چاگردی رابطہ ءِ وفاقی وزیر ڈاکٹر مصدق ملک ءَ پاکستان ءَ سویڈن ءِ سفیر الیگزینڈرا برگ وان لنڈے  ءَ گوں گند ءُ نند کتگ

اسلام آباد۔16ستمبر  (اے پی پی):موسمیاتی بدلی ءُ چاگردی رابطہ کاری ءِ وفاقی وزیر ڈاکٹر مصدق ملک ءُ پاکستان ءَ سویڈن ءِ سفیر الیگزینڈرا برگ وان لنڈے  ءَ موسمی کارروائی، پائیدار دیمروئی ءُ سبزیں نوآبادیاتی ءِ پڑ ءَ پاکستان ءُ سویڈن ءِ نیام ءَ کمک ءَ را گیش کنگ ءِ ضلورت ءِ دوبر پدر کتگ۔ دوئیں نیمگ ءَ جھان ءِ موسمیاتی سفارتکاری ءِ تہ ءَ برجاھیں رابطہ ءِ برجائی ءِ سر ءَ تپاک کنگ بوت۔ ایشاں اے ھیالانی درشانی ادا یک گند ءُ نند ءِ ساھت ءَ یکے دومی ءَ گوں گپ ءُ تران کنان ءَ کت انت ۔ سئے شمبے ءِ روچ ءَ پاکستان ءَ سویڈن ءِ سفیر الیگزینڈرا برگ وان لنڈے ءَ اسلام آباد ءَ موسمیاتی بدلی ءُ چاگردی رابطہ ءِ وفاقی وزیر ڈاکٹر مصدق ملک ءَ گوں گند ءُ نند کت۔ وزارت ءِ موسمی مٹ ءُ بدلی ءُ چاگردی ہمگرنچی ءِ نیمگ ءَ جاڑی بوتگیں بیان ءِ رد ءَ گند ءُ نند ءَ پاکستان ءَ انوگیں سیلاب ءِ بابت ءَ گپ ءُ تران کنگ بیت کہ ایشی ءَ چہ انسانی جان، روزگار ءُ انفراسٹرکچر ءَ را سک باز تاوان رستگ۔ اے موہ ءِ سر ءَ ڈاکٹر مصدق ملک ءَ گوشت کہ موسمیاتی ھترہ آناں گیش بوھوکیں ھترہ آں چہ نزوریں چاگرد آناں رکھینگ ءِ واستہ ترندیں موسمیاتی فنانس، ٹیکنالوجی ءِ ٹرانسفر ءُ لچک ءِ جوڑیشت ءِ گامگیج المی اَنت۔ دوئیں وزیر آنی نیام ءَ پاکستان ءُ سویڈن ءِ نیام ءَ موسمی کارروائی، پائیدار دیمروئی ءُ سبزیں نوآبادیاتی ءِ شوبگ آنی تہ ءَ کمک ءَ را گیش کنگ ءِ امکان آنی سر ءَ تران کت۔ اے موہ ءِ سر ءَ ورنا آنی مول ءُ مراد ھم سبزیں اسٹارٹ اپس ءِ دیمروئی ءُ سبزیں یونیورسٹی ءِ جوڑ کنگ بیت تانکہ اے ادارگ دمگ ءَ موسمیاتی وانگ ءُ زانگ، پٹ ءُ پول ءُ نوآبادیاتی ءِ مرکز جوڑ بہ بیت۔ گند ءُ نند ءِ ساھت ءَ نودربر ءُ اساتذہ ءِ تبادلہ ءِ پروگرام ءَ ھوار وانگ ءُ زانگ ءُ پٹ ءُ پول ءِ پڑ ءَ کمک ءِ موہ آنی سر ءَ ھم گپ ءُ تران کنگ بوت۔ ایشی ءَ ابید پائیدار ہاؤسنگ منصوبگ آنی جیڈھ آنی سر ءَ ھم گپ ءُ تران کنگ بوت۔ اے موہ ءِ سر ءَ الیگزینڈرا برگ وان لنڈے ءَ ڈاکٹر مصدق ملک ءَ را آیوکیں COP 30 ءِ وھد ءَ برازیل ءَ سویڈن ءِ پارلیمنٹ ءِ تر ءُ تاب ءِ دعوت داتگ۔ دوئیں رہشون آنی تہ ءَ جھان ءِ موسمیاتی سفارتکاری ءِ تہ ءَ برجاھیں رابطہ ءِ برجم دارگ ءُ پائیدار ءُ لچکداریں آیوکیں وھد ءِ جوڑیشت ءِ واستہ یکجائی گامگیج آناں دیم ءَ برگ ءِ سر ءَ تپاک کنگ بوتگ۔