ریلوے ءِ وفاقی وزیر محمد حنیف عباسی ءَ یورولوجی ہسپتال مین مری روڈ  ءِ سرپرائز تر ءُ تاب

راولپنڈی۔ 16 ستمبر (اے پی پی): ریلوے ءِ وفاقی وزیر محمد حنفی عباسی ءَ گوستگیں روچ ءَ یورولوجی ہسپتال مین مری روڈ  ءِ سرپرائز تر ءُ تاب کتگ ءُ نادراہ آنی علاج ءِ واستہ ایندگر آسراتی ءُ بندوبست آنی سر ءَ چار ءُ تپاسی کتگ۔ منصوبگ ءِ ڈائریکٹر ڈاکٹر ذوالفقار علی خان ءَ وفاقی وزیر محمد حنیف  عباسی ءَ را سرپد کت۔ راولپنڈی انسٹی ٹیوٹ آف یورولوجی اینڈ ٹرانسپلانٹ ہسپتال بنداتی 50 بستر ءِ گوما کار کنگ ءَ انت، آر آئی یو ٹی ءَ گردہ ءِ علاج ءِ واستہ 8 شعبہ است انت۔ او بی ڈی، ایمرجنسی، الٹراساؤنڈ ڈیپارٹمنٹ سرجمی ءَ کار کنگ ءَ انت، 30 مردمانی واستہ ڈائیلیسس ءِ آسراتی ھم 30 نوکیں مشینانی وسیلگ ءَ کجام ھم وھد ءَ دستیاب انت۔ راولپنڈی ءُ ہمساہگیں دمگاں گردہ ءِ نادراہانی واستہ اے مزنیں ھال اِنت کہ نوں آہاں ڈائیلیسس ءِ واستہ دیریں ودار کنگ نہ لوٹیت ءُ نہ کہ آہاں دگہ ہسپتالاں روگی اِنت۔ راولپنڈی انسٹی ٹیوٹ آف یورولوجی ڈائیلیسس سینٹر ءَ روچے 100 نادراہ آناں ڈائیلیسس سروس دیگ بوت کنت۔ نادراہ کہ دگہ نادراھجاہاں بازیں وھدے ءَ چہ اوشتاتگ اتنت آھاں ھم اے آسراتی ءَ راحت ءِ ساہ کش اتگ۔ پنچ ارب کلدار ءَ چہ گیش ءِ منصوبگ ءِ ماڑی ءِ 99درسد نوک کنگ ءِ کار سرجم بوتگ۔ ریلوے ءِ وفاقی وزیر حنفی عباسی ءَ گوشت کہ آر آئی یو ہسپتال ءَ لیپروسکوپک سرجری ءِ عمل ھم بندات کنگ بوتگ ءُ ایمرجنسی ءِ واستہ 30بستر ھم دستیاب انت۔ راولپنڈی انسٹی ٹیوٹ آف یورولوجی ءَ کار کنوکیں گردہ ءِ ڈائیلیسس سینٹر نادراہانی واستہ نعمت ءَ چہ کم نہ اِنت۔