سیلاپ  ءِ سبب ءَ بوتگیں تاوان ءِ کچ ءُ کساس صوبائی حکومتانی ہمگام ءَ کنگ بیت، زمین چنڈ ءِ سبب ءَ بوتگیں تاوان ءِ سرا ہچ وڑیں  دروگ ءُ بٹاک جنگ  ءَ  چہ بچ اِت، احسن اقبال

اسلام آباد۔16ستمبر  (اے پی پی): منصوبہ بندی، دیمروئی ءُ ھاسیں گامگیج آنی وفاقی وزیر پروفیسر احسن اقبال ءَ گوشت کہ زمین چنڈ ءِ تاوان ءِ کچ ءُ کساس صوبائی حکومت آنی ھمگام ءَ کنگ بیت، زمین چنڈ ءِ تاوان ءِ بنداتی کچ ءُ کساس دہ روچ ءِ تہ ءَ سرجم کنگ بیت، چہ ھرچ وڑیں تاوان ءِ کنگ ءَ چہ بچگ بیت زیت درکپ۔ آئی ءَ اے گپ سئے شمبے ءِ روچ ءَ ادا زمین چنڈ ءِ سبب ءَ بوتگیں تاوان ءِ اندازگ ءِ واستہ کمیٹی ءِ دیوان ءِ سروکی ءَ کنان ءَ کت۔ دیوان ءَ 2025ءِ زمین چنڈ ءِ سبب ءَ تاوان ءِ کچ ءُ کساس ءِ چار ءُ تپاسی کنگ بیت۔دیوان ءَ وفاقی وزیر ھزانگ محمد اورنگزیب، چیئرمین این ڈی ایم اے، سیکرٹری وزارت موسمیاتی بدلی ءُ صوبائی حکومت آنی چیف سیکرٹری آنی بھر زوری بوتگ۔ صوبائی حکومت دیوان ءَ سرپد کن اَنت کہ آپ ءِ کم بوھگ ءَ پد سیلاب ءِ تاوان ءِ گڈی اندازہ ممکن بیت۔ وفاقی وزیر احسن اقبال ءَ گوشت کہ سیلاب ءِ تاوان ءِ کچ ءُ کساس صوبائی حکومت آنی گوما ھمگرنچیں رنگ ءَ تیار کنگ بیت، سیلاب ءِ تاوان ءِ بنداتی کچ ءُ کساس دہ روچ آنی تہ ءَ سرجم کنگ بیت، میڈیا ءَ را سیلاب ءِ تاوان ءِ سر ءَ ھچ وڑیں گمان کنگ ءَ چہ بہ رکگی اِنت، راستیں کچ ءُ کساس زوت دیم ءَ کیت۔ آئی ءَ گوشت کہ سیلاب ءَ چہ آماچیں دمگ آنی تہ ءَ بحالی ءِ کار جاری اِنت، وفاقی ءُ صوبائی ادارگ یکجائی ءَ سیلاب ءَ چہ آماچیں دمگ آنی تہ ءَ کمکی کارروائی کنگ ءَ اَنت، اے رندی ھم 2022ءِ پیٹرن ءِ سر ءَ، قدرتی آفت آنی پد ءَ تاوان ءُ ضلورت آنی کچ ءُ کساس میاں اوستمانی ادارگ آناں ھوار کنگ ءَ کنگ بیت۔ احسن اقبال ءَ گشتگ کہ سیلاب ءَ چہ آماچیں دمگاں راستیں ءُ شفافیں ڈیٹا ءِ بنیاد ءَ کمکی گامگیج چست کنگ بیت۔ آئی ءَ گوشت کہ موسمی مٹ ءُ بدلی پاکستان ءِ واستہ یک مزنیں چیلنج انت، سیلاب ءُ ھشک سالی موسمی مٹ ءُ بدلی ءِ براہ راست اثر انت۔ آئی ءَ گوشت کہ بھارت ءَ ھم قدرتی آفت ءَ را کم لیب کنگ ءَ بوتگ، موسمی بدلی ءِ سبب ءَ پاکستان ءِ گلیشیر گوں ترندی ءَ پگھل بوھگ ءَ انت ءُ ایشی ءَ چہ سیلاب ءِ ھترہ گیش بوتگ انت۔ موسمی مٹ ءُ بدلی ءِ چیلنج ءَ گوں گر ءُ چیل بوھگ ءِ واستہ راجی منصوبگ ءِ سر ءَ کار برجاہ اِنت۔