جی ڈی پی ءِ رد ءِ سرا وام ءِ کم کنگ، ری فنانسنگ ءُ رول اوور ءِ بیم ءُ سود ءِ ادائیگی ءِ سرا بچت وام ءِ گامگیج ءِ بزانتی بھر انت، وفاقی وزارت ھزانگ

اسلام آباد۔16ستمبر  (اے پی پی): وفاقی وزارت ھزانگ ءَ گوشت کہ حکومت ءِ وام ءِ گامگیج ءِ مول ءُ مراد راجی وام ءَ را معیشت ءِ کساس ءِ رد ءَ دارگ، وام ءِ ری فنانسنگ ءُ رول اوور ءِ بیم آناں کم کنگ ءُ سود ءِ ادائیگی ءِ سر ءَ مزنیں بچت کنگ اِنت تانکہ ملک ءِ مالیاتی استحکام ءِ تہ ءَ برجم دارگ بہ بیت۔ وزارت ھزانگ ءَ سئے شمبے ءِ روچ ءَ ادا جاڑی بوتگیں پریس ریلیز ءِ تہ ءَ اے گپ ءِ پدر کنگ ءَ گشتگ کہ ملک ءِ وام ءِ برجائی ءِ اندازہ ایوک ءَ وام ءِ کلیں (مطلق) کساس ءَ چارگ ءَ چہ کنگ نہ بیت پرچا کہ اے طبیعی انت کہ کلیں کساس ءَ مہنگائی ءِ گوما گیشی بہ بیت۔ وام ءِ پائیداری ءِ درستیں پیمائش ایش انت کہ معیشت ءِ کساس ءِ رد ءَ آئی ءِ پٹ ءُ پول کنگ بہ بیت کہ اے ہم عالمی سطح ءَ پائیدار زانگ بیت۔ اے محاذ ءَ پاکستان ءِ جاور گہتر بوتگ انت۔ مالی سال 2022ءَ وام ءِ رد 74درسد بوتگ کہ مالی سال 2025ءَ 70درسد ءَ چہ کم بوتگ۔اے وھد ءِ تہا حکومت ءَ وام ءِ خطرہ کم کتگ ءُ ارباں کلدار سود ءِ ادائیگی ءَ چہ لس مھلوک ءَ چہ بچت کتگ۔ وزارت ھزانگ ءِ رد ءَ ملک ءِ راجدپتر ءَ اولی رند ءَ حکومت ءَ 2600ارب کلدار ءِ وام زوت ادا کتگ انت ایشی ءَ چہ وام ءِ رسک کم بوتگ ءُ سداں ارب کلدار سود ءِ بچت بوتگ۔ مالیاتی نظم و ضبط ءِ سبب ءَ مالی سال 2025 ءَ وفاقی خسارہ 7.1 کھرب کلدار ءَ کم کنگ بوتگ کہ گوستگیں سال ءَ 7.7 کھرب کلدار بوتگ۔ معیشت ءِ درسد ءِ رنگ ءَ خسارہ 7.3درسد ءَ چہ کم بوتگ ءُ 6.2درسد ءَ سر بوتگ وھدیکہ دومی سال ءَ 1.8 ٹریلین کلدار ءِ بنجاہی سرپلس ھم رستگ۔ اے وھد ءِ تہ ءَ کلیں قرض سالانہ 13درسد ءِ گیشی بوتگ کہ گوستگیں پنچ سال آنی تہ ءَ 17درسد ءِ اوسط ءَ چہ کم اِنت۔ وزارت ھزانگ ءِ رد ءَ زانتکاریں وام ءِ انتظام ءُ سود ءِ شرح ءِ تہ ءَ کمی ءِ آسر ءَ مالی سال 2025 ءَ بجٹ ءِ مقابلہ ءَ 850ارب کلدار سود ءِ بچت بوتگ۔ رواں مالی سال ءِ بجٹ ءَ سود ءِ ادائیگی ءِ واستہ 8.2کرب کلدار ایر کنگ بوتگ کہ گوستگیں سال ءَ 9.8کرب کلدار بوتگ۔ وام ءِ زوتیں واپسی ءَ چہ وام ءِ میچورٹی ءِ مدت ءَ گہتری اتکگ کہ ایشی ءَ چہ وام ءِ خطرہ کم بوتگ انت۔ مالی سال 2025 ءَ سرکاری وام ءِ اوسط میچورٹی 4.0سال ءَ چہ 4.5سال ءَ سر بوتگ وھدے کہ ملکی وام ءِ اوسط میچورٹی ھم 2.7سال ءَ چہ 3.8سال ءَ چہ گیش بوتگ۔ وزارت ھزانگ ءَ گوشت کہ مالیاتی نظم ءُ ضبط ءِ گہتری ءَ چہ مالیاتی شوبگ ءِ سر ءَ ھم جوانیں اثر بوتگ ءُ مالی سال 2025 ءَ 14سال آنی تہ ءَ اولی رند ءَ 2ارب ڈالر ءِ کرنٹ اکاؤنٹ سرپلس ریکارڈ کنگ بوتگ ایشی ءَ چہ مالیاتی دباؤ کم بوتگ۔ مالیاتی وام ءِ تہ ءَ گیشی ءِ یک بھرے آئی ایم ایف ءِ ٹرسٹ فنڈ پروگرام ءُ سعودی آئل فنڈ ءِ نان کاشار سہولت ءِ وڑیں بیلنس آف پیمنٹس ءِ آسراتی ءِ سبب ءَ بوتگ کہ ایشی ءِ واستہ کلدار ءَ ادائیگی کنگ بوتگ۔ نزیک ءَ 800ارب کلدار ءِ گیشی نوکیں وام ءِ جیڈھ آنی سبب ءَ نہ بوتگ بلکیں درملکی زرّ ءِ ارزشت ءِ کمی ءِ سبب ءَ بوتگ۔ وزارت ھزانگ ءَ گشتگ کہ ایوک ءَ اعداد و شمار ءِ چارگ ءَ چہ وام ءِ جاور ھال ءِ فیصلہ کنگ درست نہ انت۔8 راستی ایش انت کہ مرچی پاکستان ءِ وام ءِ جاور پیسر ءَ چہ باز گیش مھکم انت۔ حکومت ءِ متوازن وام ءِ رد، زوتیں وام ءِ واپسی، منفی سود ءِ ھرچ ءُ درچ ءِ کمی ءُ درائیں اکاؤنٹس ءِ استحکام ءِ سر ءَ دلگوشی ملک ءِ معیشت ءِ انتظام، رسک آنی تہ ءَ کمی ءُ ذمہ وار مالیاتی رھبند آنی  برجائی ءِ ھاترا آئی ءِ عزم ءِ درشان اِنت۔