پاکستان ءِ صنعتی شعبہ گہتر بوھگ ءَ انت، آئی ٹی ءُ سروسز دیمروئی کنگ ءَ انت ءُ درملکی سرمایہ کار پاکستان ءِ نیمگ ءَ رھادگ بوھگ ءَ انت، جام کمال خان

تہران ۔16ستمبر  (اے پی پی): وفاقی وزیر برائے تجارت جام کمال خان ءَ پاکستان ءُ ایران ءِ نیام ءَ ’’مشترکہ وشھالی ءِ نوکیں باب‘‘ ءِ بندات ءِ جار جنان ءَ گوشت کہ پاکستان ءِ صنعتی شوبگ ءَ گہتری بوھگ ءَ اِنت، آئی ٹی ءُ سروسز دیمروئی کنگ ءَ اَنت ءُ درملکی سرمایہ کار پاکستان ءِ نیمگ ءَ رھادگ بوھگ ءَ اَنت۔ آئی ءَ اے ھیالانی درشانی پاک ایران بزنس فورم 2025 ءَ گوں تران کنان ءَ کت اَنت۔اے فورم تہران ءَ پاکستان ایران ءِ یکجائی اقتصادی کمیشن ءِ بیستمی دیوان ءِ موہ ءَ برجم دارگ بوت ایشی ءِ تہ ءَ ایران ءُ پاکستان ءِ کاروباری سروک، اگدہ دار ءُ سفارتکار آنی مزنیں کساس ءَ بھر زوری کت۔ سئے شمبے ءِ روچ ءَ تہران ءَ چہ جاڑی بوتگیں پریس ریلیز ءِ رد ءَ وفاقی وزیر تجارت جام کمال خان ءَ فورم ءَ گوں تران کنان ءَ گوشت کہ اے وڑیں مزنیں کچ ءُ کساس ءَ اولی رند ءَ کاروباری فورم ءِ برجم دارگ دوئیں ملک آنی دوستی ءُ مردم آنی نیام ءَ اقتصادی آسراتی ءَ را ٹھوس اقتصادی آسر ءَ را بدل کنگ ءِ بھرم ءِ درشان اِنت۔ آئی ءَ دو نیمگی تجارت ءَ را نوکیں بالاد ءَ سر کنگ ءِ واستہ بازیں گامگیج آنی سر ءَ چمشانک دات، ایشی ءِ تہ ءَ بینکنگ، رسد، شپنگ، ایوی ایشن، فری زون، ہائی اینڈ مینوفیکچرنگ، کشت ءُ کشاری ءُ سرمایہ کاری ءِ دیمروئی، بارڈر مارکیٹ ءُ ھاسیں اقتصادی زون آنی تہ ءَ روزگار ءُ کاروباری موہ آناں گیش کنگ، کشت ءُ کشاری ءُ مینوفیکچرنگ ءِ ھاتر ءَ حکومت پاکستان ءِ پنچ سالی اقتصادی منصوبہ ”اودان پاکستان“ ءِ رد ءَ ، ءُ پاکستانی ءُ ایرانی کمپنیانی نیام ءَ گمرک ، تجارتی ءُ ریگولیٹری رکاوٹانی ھلاس کنگ ءِ ھاتر ءَ کمک ءِ ھاتر ءَ دیم ءَ برگ بیت۔ تعاون ءِ تہا ھوار انت۔ جام کمال خان ءَ گوشت کہ مزن وزیر شہباز شریف ءِ سروکی ءَ پاکستان ءِ حکومت ءَ ایران ءِ گوما بیپار ءُ سیادی ءَ را درستاں چہ گیش اسٹریٹجک اولیت داتگ۔ آئی ءَ گوشت کہ مئے صنعتی شوبگ ءَ گہتری بوھگ ءَ انت، آئی ٹی ءُ سروسز دیمروئی کنگ ءَ انت، پاکستان ءَ درملکی سرمایہ کاری روان انت۔ وفاقی وزیر ءَ ایرانی کمپنی آناں نومبر 2025 ءَ پاکستان ءَ برجم دارگ بوھوکیں ایگریکلچر ایکسپو ءَ بھر زوری ءِ دعوت دات ءُ گوشت کہ اے موہ مینوفیکچرنگ ہب آنی تر ءُ تاب ءُ نوکیں مارکیٹ آنی پٹ ءُ پول ءِ واستہ گیٹ وے ءِ رنگ ءَ ثابت بیت۔ آئی ءَ جار جتگ کہ پاکستان تہران ءَ بوتگیں منّگ آنی سر ءَ عمل کنگ ءِ واستہ پاکستان ءَ زوتیں وھد ءَ بیست ءُ سیمی یکجائی اقتصادی کمیشن آنی دیوان ءَ کنت۔ فورم ءَ گوں تران کنان ءَ ایران ءِ وزیر فرزانہ صادق ءَ گوستگیں سال آنی تہ ءَ دو نیمگی تجارت ءِ تہ ءَ مزنیں گیشی ءِ ساڑات ءُ گوشت کہ گوستگیں سال ءَ تجارت 3.1 ارب ڈالر ءَ چہ گیش بوتگ۔ آئی ءَ گوشت کہ دوئیں ملک آنی سروکی ءِ سروکی ءَ 10ارب ڈالر ءِ تجارتی ٹارگٹ ءِ سر ءَ سر بوھگ ءِ واستہ پیشرفت کنگ بوھگ ءَ اِنت۔ فرزانہ صادق ءَ فارماسیوٹیکل، کیمیکلز ءُ اے دگہ شوبگ آنی تہ ءَ یکجائی سرمایہ کاری منصوبگ آنی تہ ءَ دلگوشی ءِ درشان کت۔ فرزانہ صادق ءَ گوشت کہ پاکستان ایران بزنس فورم دوئیں ملک آنی واستہ عملی پلیٹ فارم ءِ پجاری کنت، ایشی ءَ چہ کمک ءِ تہ ءَ گیشی بیت ءُ دوئیں راج آنی واستہ ٹھوس آسراتی رس ایت۔ ایران ءِ وزیر ءَ پاکستان ءِ استیں جاور ھال آنی سبب ءَ جانی ءُ مال ءِ تاوان ءِ سر ءَ ھم اپسوز ءِ درشانی کتگ۔ جام کمال ءَ ایران ءِ سرکار، ایران ءِ وزیر سڑک ءُ شہری دیمروئی فرزانہ صادق ءُ ایران ءِ تجارت ءِ دیمروئی ءِ گل ءِ منت گپت کہ آہاں جوانیں بندوبست ءُ میزبانی کتگ ءُ گشتگ کہ مئے اقتصادی شریکداری ہما وڑا جہل ءُ برجائی بہ بیت کہ مئے مذہبی، دود ءُ ربیدگ ءُ ٹیکنالوجی ءِ سیادی سد سالی انت۔ فورم ءِ گڈ ءَ دوئیں وزیراں پاک ایران ءِ ٹیکنالوجی ءِ سیادی آناں یک پائیدار ءُ نوکیں اقتصادی شریکداری ءِ تہ ءَ بدل کنگ ءِ بھرم ءِ درشان کت ءُ دمگی وشھالی ءُ جھان ءِ مقابلہ ءِ راہ ءَ را پچ کنت۔