ما جان سلامتی ءِ نظام ءَ را نوک کنگ ءَ ایں، نادراھجاہ آنی تہ ءَ نادراہ آناں ھرچ وڑیں آسراتی ءِ پھجارینگ اولویت اِنت، وفاقی وزیر راجی جان سلامتی سید مصطفی کمال

اسلام آباد۔16ستمبر  (اے پی پی): وفاقی وزیر برائے جان سلامتی سید مصطفیٰ کمال ءَ گشتگ کہ مارا مہلوک ءَ را نادراہ بوہگ ءَ چہ رکینگی انت، پشہ ڈینگی ءِ وائرس ءَ چہ مہلوک ءَ مان کنگ ءَ انت، شہر ءُ میتگاں ڈینگی ءِ کیس گیش بوہگ ءَ انت۔ آئی ءَ اے جیڈھ آنی درشانی ڈینگی ءِ ھلاپ ءَ راجی مہم 2025ءِ بنگیج ءِ مراگش ءَ گشتانک دیان ءَ گوشت کہ من اسلام آباد ءِ توامیں ایم این اے آناں گوں دزبندی کن آں کہ آ ڈینگی ءِ گر ءُ دار ءِ مہم ءِ بھر بہ بنت۔ آئی ءَ گوشت کہ انسانیت ءِ ھزمت مئے مول ءُ مراد بہ بیت، اللہ تعالیٰ ءِ خلقت ءَ را نادراھی آنی چہ رکّینگ ءِ کوشست کنگ انعام اِنت۔ مصطفیٰ کمال ءَ گوشت کہ اسپتال آنی تہ ءَ نادراہ آناں ھمک رنگ ءِ آسراتی پجاری مئے اولی ترجی انت۔ ھا، مارا بیمارستاناں نادراہانی ودار کنگ نہ لوٹیت۔ آئی ءَ گوشت کہ مئے وزارت ایندگر وزارت آنی تہ ءَ چہ جتا اِنت، مئے سر ءَ گیش زمہ واری اِنت، ایشی ءِ سر ءَ مارا سوچ ءُ دلگوشی ءَ گوں کار کنگی اِنت۔ آئی ءَ گوشت کہ مئے مذھب اسلام مارا اللہ ءِ ھمک مخلوق ءَ را دوست دارگ ءِ سکین ءَ دنت، وھدیکہ شما اللہ ءِ مخلوق ءِ کمک ءَ کن اِت گڑا اللہ وش بیت۔ آئی ءَ جان سلامتی کارندہ آناں گوں تران کنان ءَ گوشت کہ اے وزارت اللہ ءِ مخلوق ءِ کمک کنگ ءِ ھوالگ ءَ انت، شما درست کارندہ المی انت پرچا کہ شما اللہ ءِ مخلوق ءَ را رکینئگ ءَ ات۔ آئی ءَ گوشت کہ مئے گورا اینچو مڈّی نیست، کوشست ءَ کنگ ءَ آں کہ کمک کار ءُ گاڑی ءِ تہ ءَ گیش بہ بیت۔ شما درستیں کارکن مہم ءَ سوبمند کن اِت۔ آئی ءَ گوشت کہ ما گوستگیں روچ ءَ سرویکل کینسر ءِ گر ءُ دار ءِ واستہ ویکسینیشن مہم بندات کتگ، ما جان سلامتی ءِ نظام ءَ را نوکیں لیکہ آنی سر ءَ نوکیں رنگ ءَ جوڑ کنگ ءَ ایں ۔