فوجی شکست ءَ پد ہندوستان نوں  ٹوھیں پندل  کارمرز کنگ ءَ اِنت، عطا اللہ تارڑ

اسلام آباد۔16ستمبر  (اے پی پی): وفاقی وزیر اھوالکاری ءُ نشریات عطا اللہ تارڑ ءَ گشتگ کہ فوجی شکست ءَ پد بھارت نوں ٹوھیں پندل کارمرز  کنگ ءَ انت، اے بھارت ءِ رضامندی ءَ چہ بچگ ءِ ناکامیں کوشست انت، ما وتی فوجی برتری ثابت کتگ ءُ شش بھارتی بالی گراب ءَ را تیرگواری کتگ کہ بھارت ءِ نمائندگی ءَ پد یک rep جنگ بندی ءِ لوٹ کنت ءُ نوں اے وڑیں تماشہ ءِ سرا زور دیگ ءَ اِنت، یک راجے کہ اخلاقی لحاظ ءَ  ڈکال ءِ آماچ  اِنت ءُ آئی ءِ ہچ وڑیں قدر ءُ قیمت نیست آ مدام اے وڑیں تماشہ ءِ سرا زور دنت، پاکستان امن ءُ ایمنی ءِ ہاترا جزم اِنت، پاکستان ءَ مدام دمگ ءِ تہا دائمی امن ءِ ہاترا یک موثریں کردے پیلو کتگ، پاکستان  کشمیر ءِ جیڈھ ءَرا میاں اوستمانی منوگری آنی رد ءَ گیوار کنگ ءِ منوک اِنت،  اے ھیالانی درشانی آئی ءَ سئے شمبے ءِ روچ ءَ انسٹی ٹیوٹ آف ریجنل اسٹڈیز ءَ ڈاکٹر رابعہ اختر ءِ کتاب ءِ دیمدرائی مراگش ءَ گشتانک دیان ءَ کت۔  وفاقی اھوالکاری ءِ وزیر ءَ گوشت کہ بدبھتی ءَ مئے یک حریفیں ملکے است کہ آئی ءِ پالیسی فریب ءُ خیانت ءِ سر ءَ انت۔ ”ہندوستان ءِ دیمروئی“ ءِ دروگیں مفہوم ءُ جنوبی دمگ ءَ غالبیں قوت جوڑ بوہگ ءِ کرد ءَ چار روچی جنگ ءِ تہا پاکستان ءَ موثریں وڑے ءَ ناکام کتگ۔ آئی ءَ گوشت کہ سرجمیں دگنیا ءَ دیست کہ وھدیکہ یک زوراکے ءَ بے سوب ءُ بے جاہ زوراکی کت گڈا سرجمیں پاکستانی راج یکجا بوت ءُ مئے پسو ءَ نہ ایوک ءَ دژمن پد ءَ کشگ ءَ لاچار کت بلکینگ ءَ جنگ بندی ءِ لوٹ ھم کت۔ آئی ءَ گوشت کہ ھر وھد ءَ راجدپتر نبشتہ کنگ بیت گڈا اے چار روچی جنگ مدام پاکستان ءِ مزنیں سوبمندی ءِ رنگ ءَ یات کنگ بیت ایشی ءِ تہ ءَ پاکستان ءَ استحکام ءِ کرد پیلو کتگ ءُ یک یکجاھیں راج ءِ رنگ ءَ دیم ءَ اتکگ کہ آئی ءَ راستی ءَ جنوبی دمگ ءَ استحکام ءُ توازن آؤرتگ۔ آئی ءَ گوشت کہ بھارت ءَ دمگ ءَ وتی بالادستی ءِ عزائم آنی پیلو کنگ ءِ واستہ ہندوتوا نظریہ ءَ را گیش دیمروئی دیگ ءِ کوشست کتگ بلے اے واب ھما وھد ءَ ھلاس بوتگ کہ سرجمیں پاکستانی راج یکجا بوتگ ءُ دمگ ءَ نوکیں رکاوٹ ءِ جوڑ کنگ بوتگ۔ آئی ءَ کتاب ءِ نبشتہ کار ءُ انسٹی ٹیوٹ آف ریجنل اسٹڈیز ءِ ستا کرتگ کہ آہاں اے سرھال ءَ را وھد ءِ سر ءَ دیم ءَ آؤرتگ۔ وفاقی وزیر ءَ گوشت کہ اے چار روچی جنگ ءَ مارا ھاسیں سبق داتگ۔ راجدپتر ءُ سیاست ءِ نودربرے ءِ بستار ءَ من ءَ اولی سبق ایش ات کہ ہچ وڑیں زوراک، قبضہ گیر ءُ بے قانونیں ملک کدی زالم بوت نہ کنت۔ پہلگام ءِ واقعہ ءُ ایشی ءِ چیر دستی ءَ جوڑ بوتگیں ’’دروگیں پرچم آپریشن‘‘ ایشی ءِ یک پدریں مثالے کہ ہندوستان ءَ الزام جنگ ءِ وھد ءَ فوراً پاکستان ءِ سرا انگل جتگ۔ آئی ءَ گوشت کہ جست ایش انت وھدے کہ ناشرکاری ءِ مستریں آماچ وت پاکستان انت بھارت چون وتی کوشست ءَ را ثابت کنت ۔ آئی ءَ گوشت کہ نئی دہلی ءِ پالیسی سنگینیں تضاد آنی آماچ اِنت۔ وفاقی وزیر ءَ گوشت کہ وھدے یک ملک ءِ پالیسی ءِ بنیات تضاد، فریب ءُ خیانت ءِ سر ءَ بیت گڈا آ گلوبل عزائم ءُ جیو پولیٹیکل عزائم کدی سوبمند بوت نہ کنت۔ آئی ءَ گوشت کہ پاکستان ءَ ناشرکاری ءِ ھلاپ ءَ جنگ ءَ 90 ھزار مردمانی جان قربان کتگ ءُ ارباں ڈالر ءِ معاشی تاوان رستگ، دگہ ھچ ملک اے دعویٰ ءَ کت نہ کنت۔ پاکستان ءَ پہلگام ءِ وئیل ءِ غیر جانبدار ءُ منصفانہ پٹ ءُ پول ءِ وعدہ کتگ ات، ایشی ءَ چہ اے گپ پدر بوت کہ مئے دست ساپ انت۔ آئی ءَ گوشت کہ پاکستان ناشرکاری ءُ دگنیا ءِ نیام ءَ یک سپر ءِ کرد ءَ پیلو کنت ۔ وھدے پاکستانی سپاھیگ، افسر یا شہری ماتیں گلزمین ءِ واستہ وتی جان ءَ ندر کنت گڈا آ نہ ایوک ءَ پاکستان بلکینگ ءَ سرجمیں دگنیا ءَ را ایمن جوڑ کنگ ءِ سوب جوڑ بیت۔ آئی ءَ گوشت کہ پاکستان وت یک انچیں ملکے کہ ناشرکاری ءِ آماچ انت، پاکستان ءَ پہلگام ءِ واکیہ ءِ سر ءَ بے ھیالی ءِ درشانی کتگ۔ لکھنؤ جعفر ایکسپریس ءِ سرا اُرش راجدپتر ءِ بدترین ہائی جیکنگاں چہ یکے بوتگ، پرچا ہندوستان ءَ اے واقعہ ءِ مذمت کنگ ءَ یا کم چہ کم جیڑہ ءِ درشان کنگ ءَ چک ءُ پد بوتگ؟ آئی ءَ گوشت کہ ھژم ءِ عزائم ءِ واھندیں ھرچ زوراک یا ملک ھچبر شکار جوڑ نہ بیت پرچا کہ راستی ایشی ءِ ھلاپ اَنت۔ آئی ءَ گوشت کہ پاکستان ءَ وتی ھمساھگ آنی نیام ءَ ایمنی ءِ واھشت بوتگ، بلے کجام وھد ءَ کہ پاکستان آزمائش کنگ بوتگ ما ھمک وھد ءَ وتی بہادریں سلاہ بندیں اُرد آنی برکت ءَ سوبمند بوتگ آں ۔ آئی ءَ گوشت کہ نوں بھارت کرکٹ ءِ میدان ءَ را ھمت ءِ علامت جوڑ کنگ ءِ کوشست ءَ انت کہ اے اصل ءَ وتی نزوری ءَ چہ بچگ ءِ ناکامیں کوشست انت۔ ما وتی فوجی برتری ثابت کت ءُ شش ہندی میزائل ءِ سرا ارش کت۔ مئے لائکیں پسو ءَ پد ہندوستان ءَ جنگ بندی ءِ لوٹ کنگی ات، نوں جنگ ءِ میدان ءَ آشوب ءِ جاور آرگ ءَ انت، یک انچیں راجے کہ اخلاقی لحاظ ءَ دیوالیہ انت ءُ آئی ءِ ہچ وڑیں قدر ءُ قیمت نیست انت آ مدام ہمے وڑیں تماشہانی نیمگ ءَ رھادگ بیت، ھاسیں رنگ ءَ وھدے کہ آ فوجی پڑ ءَ شکساتگ۔ آئی ءَ گوشت کہ اے ھما ذھنیت ءِ عکس اِنت کہ سرحد ءِ سر ءَ گندگ بیت کہ اودا برتری ءِ ثابت کنگ ءِ واستہ اے وڑیں زوراکی آنی سرا زور دیگ بیت۔ آئی ءَ گوشت کہ پاکستان ءَ نہ ایوک ءَ جوانیں رکاوٹ جوڑ کتگ بلکینگ ءَ مدام امن ءِ کوشست کتگ ءُ وتی جوانیں پسو ءِ وسیلگ ءَ امن ممکن کتگ۔ پاکستان آؤکیں وھد ءَ ھم اے پالیسی ءِ سرا عمل کنت۔ وفاقی وزیر ءَ گوشت کہ دو راجی نظریہ کہ بھارت ءَ بندات ءَ چہ من اِت نہ کتگ، مئے واستہ جوڑ کنگ بوتگ پرچا کہ پاکستان ءِ جوڑ بوھگ ءِ وھد ءَ چہ پاکستانی راج ءِ وتی جتا ءُ جتائیں پجار بوتگ، ایشی ءِ نیمگ ءَ ھم مسعود خان ءَ 1947 ءِ تناظر ءَ اشارہ کتگ۔ دریائے سندھ ءُ آئی ءِ کش ءُ گوراں نندوک انت، پرچا کہ مئے پجار انت کہ مارا چہ ہمساہگیں ملک ءَ جتا کنت۔ آئی ءَ گوشت کہ دو راجی نظریہ وھد ءِ گوزگ ءَ گوں وتی راستی ءَ را ثابت کنگ ءَ انت۔ وفاقی وزیر ءَ گوشت کہ کشمیر ءِ جیڈھ حکومت ءِ اولی ترجی انت، بے میاریں کشمیری الس ءِ کمک سفارتی ءُ اخلاقی تک ءَ برجاہ دارگ بیت، وھدیکہ اقوام متحدہ ءِ قرارداد آنی رد ءَ ما کشمیری الس ءَ را وت واجئی ءِ حق دیگ ءِ واستہ جزم آں۔ آئی ءَ گوشت کہ چارروچ ءِ جنگ ءَ پد کشمیر ءِ جیڈھ یک رندے پدا پیسر ءَ چہ گیش برجمیں رنگ ءَ میاں اوستمانی جیڈھ ءِ رنگ ءَ سہرا بوتگ۔ آئی ءَ گوشت کہ پڑ ءَ امن ءُ ایمنی ءِ واستہ پاکستان وتی سرجمیں ءُ موثریں کرد ءَ برجاہ دار ایت۔ وفاقی وزیر جمیل احمد گوشت کہ پاکستان جمیل احمد گوستگیں وھد جمیل احمد معیشت ءِ پڑ جمیل احمد زانگ ءِ سوب جمیل احمد کتگ، وھدیکہ چارروچ ءِ جنگ جمیل احمد پد پڑ جمیل احمد وتی فوجی برتری ثابت کتگ۔ آئی جمیل احمد گوشت کہ پاکستان ءِ یک جوانیں ءُ دلبڈی ئیں کسہ است انت۔ پاکستان میاں اوستمانی براتی ءِ دیم ءَ پہ شان ءَ جنزگ ءَ اِنت ءُ منی دعا اِنت کہ پاکستان مدام دیمروئی ءُ وشحال بہ بیت۔ وفاقی وزیر ءِ اھوالکاری ءَ ڈاکٹر رابعہ اختر ءَ را کتاب ءِ چاپ بوھگ ءِ سر ءَ مبارک بات دات ءُ گوشت کہ اے کتاب مئے حکمت عملی ءِ جوڑ کنگ ءَ دور رسیں اثرات داریت۔ بازیں پالیسی سازاں اے شاہکار ءَ چہ نپ چست بیت۔ آئی ءَ اے ھاسیں گامگیج ءِ سر ءَ دمگی پٹ ءُ پول ءِ ادارگ ءُ سیکورٹی ءِ رھبند ءُ پالیسی ءِ مرکز ءَ را ھم مبارکی دات۔