صدر آصف علی زرداری ءَ شنگھائی ءَ چیئرمین چیری ہولڈنگ ین تونگیو  ءَ گوں گند ءُ نند

شنگھائی۔16ستمبر  (اے پی پی):صدر ءِ مملکت آصف علی زرداری ءَ شنگھائی ءَ چیئرمین چیری ہولڈنگ ین تونگیو  ءِ گوما گند ءُ نند کت۔ سئے شمبے ءِ روچ ءَ صدر ءِ ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءِ ھمراھی ءَ بانُک اول بی بی آصفہ بھٹو زرداری ، چیئرمین پاکستان پیپلز پارٹی بلاول بھٹو زرداری ءُ سینیٹر سلیم مانڈوی والا ھم ھمبراہ  بوتگ۔  اے موہ ءِ سر ءَ صدر ءِ مملکت آصف علی زرداری ءَ را چیری آٹوز ءِ گلوبل آپریشن ءُ ٹیکنالوجی ءِ ھوالگ ءَ سرپد کنگ بوت۔ صدر ءِ مملکت ءَ ین تونگیو  ءِ سرجمیں  بریفنگ ءِ بابت ءَ  ءَ شگر ءُ منت گپت ءُ پاکستان ءَ چیری آٹوز ءِ گیش بوھوکیں دلچسپی ءَ را ساڑات۔ آئی ءَ الیکٹرک بس آنی دیم ءَ آرگ ءُ لوکلائزیشن ءِ دیمروئی ءِ واستہ کمپنی ءِ منصوبگ آناں ساڑات ءُ گوشت کہ اے گامگیج ملک ءَ ورنا آنی واستہ روزگار ءِ موہ پیداک کنگ ءَ کمک کن اَنت۔ صدر ءِ مملکت ءَ چیری ہولڈنگ ءِ چیئرمین ءَ را سرپد کت کہ پاکستان ءِ حکومت الیکٹرک بس ءُ کمپونٹس ءِ لوکل پروڈکشن ءِ واستہ مالی کمک ءَ کنت۔ صدر ءِ مملکت ءَ چاری ءَ را الیکٹرک بس، منی ٹرک ءُ گرین انرجی ءِ تہ ءَ یکجائی کار آنی تہ ءَ بھر زوری ءِ دعوت دات۔ آئی ءَ مینوفیکچرنگ، کان کنی ءُ توانائی ءِ ذخیرہ کنگ ءِ گیواری ءِ تہ ءَ پاکستانی کمپنی آنی گوما کمک ءِ موہ آناں ھم پدر کت۔ ین ٹونگہوا ءَ صدر ءُ آئی ءِ ڈل ءَ را چاری آٹو ءِ گلوبل آپریشن، ٹیکنالوجی ءِ جدت ءِ عزم ءُ میاں اوستمانی مارکیٹ آنی تہ ءَ آئی ءِ زور ءِ بابت ءَ سرپدی دات۔ گند ءُ نند ءِ وہد ءَ چین  ءَ پاکستان ءِ سفیر خلیل ہاشمی ءِ ہمراہی ءَ وزیر شرجیل انعام میمن  ءُ  سید ناصر حسین شاہ  ہم ساڑی اتنت۔