بنجائی وزیر آئی ٹی شزافاطمہ خواجہ انٹرنیشنل ٹیکنالوجی کانفرنس اٹی بشخ ہلنگ کن ماسکو آ سرمس

ماسکو۔ 16 ستمبر (اے پی پی) بنجائی وزیر انفارمیشن ٹیکنالوجی و ٹیلی کمیونیکیشن شزافاطمہ خواجہ روس انا دارالحکومت ماسکو آ سرمس۔ بنجائی وزیر ارٹ میکو انٹرنیشنل ٹیکنالوجی کانفرنس اٹی بشخ ہلیک۔ کانفرنس 16 آن 18 ستمبراسکان پیٹریاٹ ایکسپو، ماسکوریجن اٹی اڈہلنگ ءِ۔ سے شنبے نادے آوزارت ءِ آئی ٹی و ٹیلی کام آن جاری بیان نا رداٹ ایونٹ اٹی 30 ملک آتیان 500 اسپیکرز و200 آن زیات کمپنی شریک مریرہ ۔ بنجائی وزیر انٹرنیشنل پلینری سیشن “Digital Compass of the SCO-Partner Dialogue: Course on Trusted Technologies”ٹی بطور سپیکر بشخ ہلیک۔ بنجائی وزیر شزافاطمہ روس انا وزیر واپار و زرکاری اینٹن علیخانوف تون اوڑدہی کیک۔ بنجائی وزیر نا روس انا وزیر ڈیجیٹل ڈویلپمنٹ، کمیونیکیشنز اینڈ ماس میڈیا ماکسوت اِگورِوِچ شادائیف ، تون ہم اوڑدہی مریک ۔ بنجائی وزیر  “Industry Code: The Role of New Industrial Technologies in Improving Labor Productivity”سیشن ہم بطور اسپیکر تران کیک۔