شزہ فاطمہ خواجہ ءَ ترکی ءِ سفیر عرفان نذیر اوغلو ءَ گوں گند ءُ نند ءَ گوشت کہ پاکستان مزن وزیر ءِ ڈیجیٹل نیشن وژن ءِ چیر دستی ءَ ترکی ءِ گوما مھکمیں شریکداری ءِ واھشت مند اِنت

اسلام آباد۔15ستمبر  (اے پی پی):انفارمیشن ٹیکنالوجی ءُ ٹیلی کمیونیکیشن ءِ وفاقی وزیر شزہ فاطمہ خواجہ ءَ گوشت کہ مزن وزیر ءِ ڈیجیٹل نیشن وژن ءِ چیر دستی ءَ پاکستان ترکی ءِ گوما مھکمیں شریکداری لوٹ ایت۔ ترکی پاکستان ءِ گوما ڈیجیٹل سیادی ءُ یکجائی منصوبگاں دیم ءَ بران کنت۔ دو شمبے ءِ روچ ءَ آئی ٹی ءُ ٹیلی کمیونیکیشن ءِ وزارت ءِ نیمگ ءَ جاڑی بوتگیں بیان ءِ رد ءَ وفاقی وزیر شزہ فاطمہ خواجہ ءَ پاکستان ءَ ترکی ءِ سفیر عرفان نذیروغلو ءَ گوں گند ءُ نند کتگ۔ تعمیری گند ءُ نند ءَ آئی سی ٹی، ڈیجیٹل ٹرانسفارمیشن ءُ انوویشن ءِ تہ ءَ دو نیمگی کمک ءَ را گیش کنگ ءِ سر ءَ ھیال ریچی کنگ بوت۔ گپ ءُ تران ءِ تہ ءَ آئی ٹی بزنس کونسل ءِ چیر دستی ءَ یکجائی گامگیج آناں دیم ءَ برگ، پاکستان ءَ ٹیکنالوجی پارک ءِ جوڑ کنگ ءِ تہ ءَ کمک، ورنا پیشہ ور آنی واستہ انٹرنشپ ءِ موہ ءُ فیلوشپ ایکسچینج پروگرام آنی بندات کنگ ءِ وڑیں سرھال ھوار اَنت۔ وفاقی وزیر شزہ فاطمہ خواجہ ءَ اے موہ ءِ سر ءَ زور پر دات کہ مزن وزیر ءِ ڈیجیٹل نیشن ویژن ءِ چیر دستی ءَ پاکستان ترکی ءِ وڑیں دوستیں ملک آنی گوما مھکمیں شریکداری جوڑ کنگ ءِ واستہ جزم اِنت تانکہ ڈیجیٹل ٹرانسفارمیشن ءَ را ترند کنگ، جدت ءِ دیمروئی ءُ ورنا آنی واستہ نوکیں موہ پیداک کنگ بہ بیت۔ آئی ٹی ءُ ٹیلی کمیونیکیشن ءِ وفاقی وزیر ءَ اے عزم ءِ پدا زور دات کہ آئی سی ٹی ءِ شوبگ ءَ میاں اوستمانی شریکداری ءَ را گیش مھکم کنگ بیت تانکہ پاکستان ءِ ڈیجیٹل شوبگ جھان ءِ معیشت ءِ تہ ءَ یک مقابلہ کنوکیں پلیئر ءِ رنگ ءَ دیم ءَ اتک کنت۔ ترکی ءِ سفیر ءَ اے جزم ءِ یک رندے پدا گوشت کہ ترکی ڈیجیٹل رابطہ کاری ءَ را گیش کنگ، زانت ءِ تبادلہ ءَ را دیمروئی دیگ ءُ یکجائی منصوبگ آناں بندات کنگ ءِ واستہ پاکستان ءِ گوما نزیکی ءَ گوں کمک ءَ برجاہ دار ایت۔ کہ آؤکیں وھد ءِ سرا مبنی ءُ جڑیں پاکستان ءِ جوڑ کنگ ءَ کمک کنت۔