دوحہ۔15ستمبر (اے پی پی): مزن وزیر محمد شہباز شریف یک روچی سرکاری تر ءُ تاب ءِ واستہ گتر ءِ بنجاھی شہر دوحہ ءَ سر بوتگ۔ گتر ءِ وزیر دود ءُ ربیدگ شیخ عبدالرحمن بن حمد بن جاسم بن حمد الثانی ءَ دوحہ بالی پٹ ءَ مزن وزیر ءُ پاکستانی ڈل ءِ وش اتک کت۔ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد …
مزن وزیر محمد شہباز شریف گتر ءِ بنجاھی شہر دوحہ ءَ یک روچی سرکاری تر ءُ تاب ءِ سر ءَ سر بوتگ
گیشتریں ھال
دوحہ۔15ستمبر (اے پی پی): مزن وزیر محمد شہباز شریف یک روچی سرکاری تر ءُ تاب ءِ واستہ گتر ءِ بنجاھی شہر دوحہ ءَ سر بوتگ۔ گتر ءِ وزیر دود ءُ ربیدگ شیخ عبدالرحمن بن حمد بن جاسم بن حمد الثانی ءَ دوحہ بالی پٹ ءَ مزن وزیر ءُ پاکستانی ڈل ءِ وش اتک کت۔ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ مزن وزیر محمد شہباز شریف دوحہ ءَ برجم دارگ بوھوکیں ایمرجنسی عرب اسلامی سروک دیوان ءَ بھر زوری ءِ واستہ دوحہ ءَ سر بوتگ۔ دوحہ ءِ سرا اسرائیل ءِ بالی اُرش ءُ فلسطین ءِ تہ ءَ انسانی ھکانی ھرابیں جاور ھال ءِ سر ءَ گپ ءُ تران کنگ ءِ ھاترا سروک دیوان ءِ دعوت دیگ بیت۔ نائب مزن وزیر ءُ درئی کارانی وزیر محمد اسحاق دار، وزیر دفاع خواجہ محمد آصف، وفاقی وزیر ءِ اھوالکاری عطا اللہ تارڑ ءُ ھاسیں کمکار سادات طارق فاطمی مزن وزیر ءِ ھمراھی ءَ مزن تک ءِ ڈل ءِ تہ ءَ ھوار انت۔ بیان ءِ رد ءَ پاکستان گتر ءِ گوما وتی سیادی ءَ را سک باز ارزشت دنت ۔ ءُ گتر ءُ دگہ دمگی ریاستانی سرا اسرائیل ءِ زوراکی ءَ سک مذمت کنت۔ گتر ءِ گوما یکوئی ءُ دمگی یکوئی ءِ درشان کنگ ءِ ھاترا مزن وزیر محمد شہباز شریف ءَ 11ستمبر 2025 ءَ دوحہ ءِ تر ءُ تاب کتگ ءُ گتر ءِ قردات ءَ گوں گند ءُ نند کتگ ءُ گتر ءِ ایمنی ءُ حاکمیت ءِ واستہ پاکستان ءِ بے مٹیں حمایت ءُ میاں اوستمانی تک ءَ امن ءُ ایمنی ءِ واستہ وتی عزم ءِ درشان کتگ۔ ستمبر ءَ دوحہ ءَ برجم دارگ بوؤکیں ہنگامی دیوان ءَ پاکستان ءِ مزن وزیر ءُ دگہ مسلمانیں ملکانی سروک آنی بہر زورگ مسلمان امت ءِ تہا مھکمیں یکوئی ءُ دمگی امن ءِ برجم دارگ ءِ بے دروریں عزم ءِ درشان اِنت۔
