صدر آصف علی زرداری شنگھائی ءَ چین ءِ کمیونسٹ پارٹی ءِ اولی راجی کانگریس ءِ یادگار ءِ تر ءُ تاب

شنگھائی ۔15ستمبر  (اے پی پی): چین ءِ کمیونسٹ پارٹی ءِ اولی نیشنل کانگریس میموریل ءِ تر ءُ تاب ءَ چین ءِ کمیونسٹ پارٹی ءِ اولی نیشنل کانگریس میموریل ءِ تر ءُ تاب کتگ۔ صدر ءِ ایوان ءِ پریس ونگ ءِ رد ءَ آئی ءِ ھمراھی ءَ بانُک اول بی بی آصفہ بھٹو زرداری ءُ چیئرمین پیپلز پارٹی بلاول بھٹو زرداری ھم ھوار بوتگ اَنت۔ اے یادگار شنگھائی ءِ فرانسیسی کوارٹر ءَ اِنت کہ اودا جولائی 1921 ءَ چین ءِ کمیونسٹ پارٹی ءِ اولی دیوان بوتگ ات۔صدر ءَ راجدپتری شکومان طرز ءِ ماڑی ءُ نمائش ہال ءِ تر ءُ تاب کتگ ات کہ ایشی ءِ تہا راجدپتری نمونہ، عکس ءُ دستاویز ھوار انت۔ صدر ءَ اے راجدپتری ورثہ ءِ رکھینگ ءِ توسیپ کت کہ اے راجی دود ءُ ربیدگ ءِ ورثہ ءُ شنگھائی ءِ نامداریں نشان اِنت۔ یک سد ءُ چار سال پیسر چیئرمین ماؤ زے تنگ ءُ چین ءِ کمیونسٹ پارٹی ءِ سروکاں پارٹی ءِ اولی دیوان ءَ بہر زرتگ ات۔ کمیونسٹ پارٹی ءَ چین ءَ را چہ گریبی ءَ کش اِت ءُ یک جھان ءِ فوجی، ٹیکنالوجی ءُ معاشی طاقتے جوڑ کت۔ صدر ءِ مملکت ءَ اے موہ ءِ سر ءَ مہمان کتاب ءِ تہ ءَ وتی تاثر نبشتہ کنان ءَ گوشت کہ چین ءِ کمیونسٹ پارٹی ءِ یادگار ءِ تر ءُ تاب کنگ صدر ءِ واستہ شرپ ءِ گپ اِنت۔ اے راجدپتری جاہ چین ءَ را یک جھان ءِ طاقت جوڑ کنگ ءِ تہا کمیونسٹ پارٹی ءِ کرد ءِ درشانی کنت۔ صدر آصف علی زرداری ءَ گوشت کہ صدر شی جن پنگ ءِ وژنری سروکی ءَ دوستی ءِ رفتار تیز کتگ، ءُ مئے سفارتی سیادی گیش مھکم بنت ءُ دیم ءَ روان بنت۔ صدر شی ءِ وژن ءِ سبب ءَ چین یک مزنیں جھان ءِ اقتصادی طاقت جوڑ بوتگ ءُ آئرن برادرز ءِ بستار ءَ مئے دوستی درستیں پڑاں گیش ءُ گیوار بیت۔ صدر ءِ مملکت ءَ گوشت کہ پاک چین ءِ دوستی ءُ ھمک موسم ءِ شریکداری برجاہ مانیت۔ اے یادگار راجی دود ءُ ربیدگ ءِ ورثہ ءِ بستار ءَ زانگ بیت ءُ شنگھائی ءِ سی ءُ یک ھاسیں سیل ءُ سواد ءِ جاہانی تہا یکے ۔ صدر ءِ مملکت ءِ ھمراھی ءَ سینیٹر سلیم مانڈوی والا، وزیر اطلاعات و ٹرانسپورٹ سندھ شرجیل میمن  ءُ  وزیر منصوبہ بندی  ءُ ھاٹیگ    سندھ سید ناصر شاہ  ھم ھمبراہ اِنت۔ اے موہ ءِ سر ءَ پاکستان  ءَ چین ءِ سفیر  جیانگ زائی ڈونگ  ءُ پاکستان ءِ  سفیر خلیل   ھاشمی ھم ساڑی ات۔