مزن وزیر شہباز شریف ءِ ہنگامی عرب اسلامی سروک دیوان ءَ بہر زورگ ءِ ھاتر ءَ مرچی (جمعہ) گتر  ءِ تر ءُ تاب ءَ کنت

لاہور۔15ستمبر  (اے پی پی): مزن وزیر محمد شہباز شریف دوحہ ءَ برجم دارگ بوؤکیں ایمرجنسی عرب اسلامی سروک دیوان ءَ بہر زورگ ءِ واستہ مرچی (جمعہ) گتر  ءِ تر ءُ تاب ءَ کنت۔ پاکستان ءِ کمک ءَ دعوت دیگ بوتگیں عرب سروکیں دیوان دوحہ ءِ سر ءَ اسرائیل ءِ بالی اُرش ءُ فلسطین ءِ تہ ءَ گیش بوھوکیں کش ءُ چیل ءُ فلسطینی آنی زوراکی ءَ چہ آوار جنگ ءِ رد ءَ برجم دارگ بوھگ ءَ اِنت۔ اے دیوان ءَ او آئی سی ءِ باسکیں ملک آنی سروک ءُ مزنیں اگدہ دار آنی بھر زوری ءِ گمان اِنت۔ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ پاکستان گتر  ءِ گوما وتی سیادی ءَ را سک باز ارزشت دنت ءُ گتر  ءُ ایندگر دمگی ملک آنی سر ءَ اسرائیل ءِ زوراکی ءَ را سک مذمت کنت۔ یکوئی ءُ دمگی یکوئی ءِ ھاتر ءَ مزن وزیر ءَ 11 ستمبر 2025 ءَ دوحہ ءِ تر ءُ تاب کتگ ءُ گتر  ءِ سروکی ءَ گوں گند ءُ نند کتگ تانکہ گتر  ءِ ایمنی ءُ حاکمیت ءِ ھاتر ءَ پاکستان ءِ بے مٹیں حمایت ءِ دوبر پدر کنگ ءُ میاں اوستمانی تک ءَ امن ءُ ایمنی ءِ دیمروئی ءِ ھاتر ءَ  گتری سروک آں گوں گند ءُ نند کت۔