صدر آصف علی زرداری ءَ پیسریگیں باسک راجی اسمبلی روشن الدین جنجو ءِ بیرانی ءِ سر ءَ دلپدردی ءِ درشانی

اسلام آباد۔15ستمبر  (اے پی پی): صدر ءِ مملکت آصف علی زرداری ءَ پیسریگیں باسک راجی اسمبلی روشن الدین جنجو ءِ بیرانی ءِ سر ءَ سک باز رنج ءُ گم ءِ درشانی کتگ۔ صدر ءِ مملکت ءِ پریس ونگ ءِ رد ءَ صدر ءِ مملکت ءَ وتی دلپدردی کلوہ ءِ تہ ءَ روشن الدین جنجو ءِ پارٹی ءُ حلقہ ءِ واستہ جوانیں ازمت آناں ساڑات ءُ گوشت کہ آئی ءَ را سرکاری ھزمت ءِ واستہ دلجمیں عزم است انت۔ آئی ءَ گوشت کہ روشن الدین جنجو ءَ وتی نمائندگی کنوکیں مردم آنی زندمان ءَ را گہتر کنگ ءِ واستہ بے مٹیں کوشست کتگ۔ صدر ءِ مملکت ءَ گوشت کہ روشن الدین جنجوئی ءَ پیپلز پارٹی ءُ آئی ءِ حلقہ ءِ واستہ جوانیں رنگ ءَ ازمت کتگ۔ صدر ءِ مملکت ءَ اے غم ءِ ساھت ءَ روشن الدین جنجوئی ءِ کھول ءِ گوما دلپدردی ءِ درشان کت۔ پیسریگیں ایم این اے روشن الدین جنجوئی ءِ سیادی گوں سنگھار ءَ بوتگ ءُ آئی ءِ گوں پیپلز پارٹی ءَ دیریں سیادی بوتگ۔