اسلام آباد۔ 15 ستمبر (اے پی پی) بنجائی وزیر داخلہ محسن نقوی خیبرپختونخوا ٹی سیکورٹی فورس آتا ساڑی آ آپریشن تے بہادرانہ، منظم و کسبی گوندسا ورناتے خراج تحسین پیش کرے۔ وزیرداخلہ پارے کہ ساڑی آکارروائی تیٹی 31 بھارتی سپانسرڈ دہشت گردآتے جہنمی کننگا و سیکورٹی فورس آک وخت آ کارروائی تا کمک اٹ دشمن نا ناپاک عزم ءِ بے سہب کریر۔ وزیر داخلہ تینا بیان اٹی پارے کہ …
بنجائی وزیر داخلہ محسن نقوی نا خیبرپختونخوا ٹی بھارتی سپانسرڈ دہشت گرد آتا برخلاف سرسہب آپریشن تیا سیکورٹی فورس آتے خراج تحسین
گیشتریں ھال
اسلام آباد۔ 15 ستمبر (اے پی پی) بنجائی وزیر داخلہ محسن نقوی خیبرپختونخوا ٹی سیکورٹی فورس آتا ساڑی آ آپریشن تے بہادرانہ، منظم و کسبی گوندسا ورناتے خراج تحسین پیش کرے۔ وزیرداخلہ پارے کہ ساڑی آکارروائی تیٹی 31 بھارتی سپانسرڈ دہشت گردآتے جہنمی کننگا و سیکورٹی فورس آک وخت آ کارروائی تا کمک اٹ دشمن نا ناپاک عزم ءِ بے سہب کریر۔ وزیر داخلہ تینا بیان اٹی پارے کہ بھارتی سپانسرڈ دہشت گرد آتے عبرتناک انجام اسکان سرکروک آ سیکورٹی فورس آتے کنا و قوم انا سلام ءِ، دا بہادر ورناک ریاست نا دفاع ٹی تینا جون تے ندر کرسا دشمن ءِ سبخ تننگ ءُ۔ محسن نقوی پارے کہ قوم سیکورٹی فورس آتون ہم کوپہ سلوک ءِ و فتنۃ الہندوستان نا دہشت گرد آتے پاکستان اٹی ڈکنگ نا موکل اسُل تننگپک۔ اوشہید آتا خاہوت آتون ہمدردی نا درشانی ءِ کرے و ٹھپی کارندہ غاتا زوت دراخ جوڑی کن دعاہم کرے۔
