اسلام آباد۔ 15 ستمبر (اے پی پی) وزیراعظم محمد شہباز شریف اسہ دے ئی سرکاری دورہ غا قطر انا دارالحکومت دوحہ غا روانہ مس۔ پی ایم آفس نا میڈیا ونگ آن جاری بیان نا رداٹ وزیراعظم محمد شہباز شریف اینو(دوشنبےنادے آ) دوحہ ٹی اڈ ہلوک ہلہلہ ئی عرب اسلامی سروکی کانفرنس اٹی بشخ ہلیک۔ دا سروکی دیوان دوحہ غا اسرائیل نا فضائی جلہو و فلسطین اٹی انسانی حق انا …
وزیراعظم محمد شہباز شریف اسہ دے ئی سرکاری دورہ غا قطر انا دارالحکومت دوحہ غا روانہ
گیشتریں ھال
اسلام آباد۔ 15 ستمبر (اے پی پی) وزیراعظم محمد شہباز شریف اسہ دے ئی سرکاری دورہ غا قطر انا دارالحکومت دوحہ غا روانہ مس۔ پی ایم آفس نا میڈیا ونگ آن جاری بیان نا رداٹ وزیراعظم محمد شہباز شریف اینو(دوشنبےنادے آ) دوحہ ٹی اڈ ہلوک ہلہلہ ئی عرب اسلامی سروکی کانفرنس اٹی بشخ ہلیک۔ دا سروکی دیوان دوحہ غا اسرائیل نا فضائی جلہو و فلسطین اٹی انسانی حق انا لتاڑنگ نا پدریسہ بگڑینگوک آ حالیت آتا رداٹ بٹنگ انگانے۔ نائب وزیراعظم و وزیرخارجہ محمد اسحاق ڈار ، وزیر دفاع خواجہ محمد آصف، بنجائی وزیر حوالکاری و شینکاری عطاء اللہ تارڑ و خصوصی کمکار سید طارق فاطمی وزیراعظم نا بڑزکو کہولی ڈل اٹی اوار ءُ۔ دیوان اٹی اوآئی سی نا باسک ملک آتا سروک و بڑزکو کمامدارآتا بشخ ہلنگ گمانی ءِ۔ بیان اٹی پاننگانے کہ پاکستان قطر اتون تینا تعلقداری تے بے کچ اہمیت ایتک و قطر و ایلو علاقائی ریاست آتا برخلاف اسرائیلی جارحیت نا ترندی اٹ مذمت ءِ کیک۔ قطر اتون یکجہتی نا درشانی و علاقائی سیوت کن وزیراعظم محمد شہباز شریف 11 ستمبر 2025 آ دوحہ نا دورہ ءِ کریسس و قطر انا سلامتی و وتواجہی کن پاکستان نا بدل مفروک مخ تفی و دے ٹک نیامی ٹی امن و سوگوی کن اونا عزم انا درشانی ءِ کننگ کن قطری سرکڑدہ غاتون اوڑدہی کریسس۔ دوحہ ٹی اینو اڈ ہلوک آ ہلہلہ ئی دیوان اٹی وزیراعظم پاکستان و ایلو مسلم ملک آتا سروک آتا بشخ ہلنگ امت مسلمہ ٹی سوگو سیوت و علاقائی امن نا بدل مفروک عزم انا درشانی ءِ۔
