اسپیکر قومی اسمبلی نا مسکوہی ایم این اے روشن جونیجو نا کزیت آ ہڑزخواہی نا درشان

اسلام آباد۔ 15 ستمبر(اے پی پی) اسپیکر قومی اسمبلی سردار ایازصادق قومی اسمبلی نا باسک صلاح الدین جونیجو نا باوہ مسکوہی قومی اسمبلی نا باسک روشن جونیجو نا کزیت آ ڈکھیائی و است ہسونی نا درشانی ءِ کرینے۔ دوشنبے نادے آ تینا ہڑزخواہی کلہواٹی او قومی اسمبلی نا باسک صلاح الدین جونیجو و اونا خاہوت تون ہمدردی و ہڑزخواہی نا درشانی ءِ کرسا پارے کہ لمہ و باوہ قدرت نا انمول ٹیکی ءُ، اوفتا ہِننگ بے بدل ءُ نسخان و بھلو صدمہ اسے، غم و ڈکھیائی نا داساہت اٹی صلاح الدین جونیجو و اونا خاہوت نا غم اٹی بریبر نا شریک اُٹ۔ سردار ایاز صادق روشن جونیجو نا سیاسی و راجی خذمت آتیا اودے خراج عقیدت پیش کرے و اللہ تعالیٰ آن دعاکرے کہ اوایماندار ءِ جنگ اٹ بڑزکو ہند اس عطاکے۔