لاہور۔ 15 ستمبر (اے پی پی) وزیراعظم محمد شہباز شریف دوحہ ٹی اڈ ہلوک آ ہلہلہ ئی عرب اسلامی سروکی کانفرنس اٹی بشخ ہلنگ کن (اینو) دوشنبے نادے آ قطرانا دورہ ءِ کیک۔ پاکستان نا شریداری اٹ بٹنگوک آ عرب سروکی دیوان، دوحہ غا اسرائیل نا فضائی جلہو و فلسطین اٹی دوک آ بے چیٹی و فلسطینی تے زوراکی اٹ بے اُرا کننگ نا رداٹ اڈ ہلنگ ءِ۔ او …
وزیراعظم شہباز شریف ہلہلہ ئی عرب اسلامی سروکی کانفرنس اٹی بشخ ہلنگ کن اینو(دوشنبے )آ قطر انا دورہ ءِ کیک
گیشتریں ھال
لاہور۔ 15 ستمبر (اے پی پی) وزیراعظم محمد شہباز شریف دوحہ ٹی اڈ ہلوک آ ہلہلہ ئی عرب اسلامی سروکی کانفرنس اٹی بشخ ہلنگ کن (اینو) دوشنبے نادے آ قطرانا دورہ ءِ کیک۔ پاکستان نا شریداری اٹ بٹنگوک آ عرب سروکی دیوان، دوحہ غا اسرائیل نا فضائی جلہو و فلسطین اٹی دوک آ بے چیٹی و فلسطینی تے زوراکی اٹ بے اُرا کننگ نا رداٹ اڈ ہلنگ ءِ۔ او آئی سی نا باسک ملک آتا سروک مملکت و حکومت و بڑزکو کمامدار آتا دیوان اٹی بشخ ہلنگ گمانی ءِ۔ وزیراعظم آفس نا میڈیا ونگ انا کنڈآن جاری بیان نا رداٹ پاکستان قطر اتون تینا تعلقداری تے بے کچ اہمیت ایتک و قطر و ایلو علاقائی ریاست آتا برخلاف اسرائیلی جارحیت نا ترندی اٹ مذمت ءِ کیک۔ یکجہتی و علاقائی سیوت کن وزیراعظم 11 ستمبر 2025 آ دوحہ نا دورہ ءِ کرے و قطر انا سلامتی و وتواجہی کن پاکستان نا بدل مفروک مخ تفی و دے ٹک نیامی ٹی امن و سوگوی کن قطری سرکڑدہ غاتون اوڑدہی کرے۔
