صدر مملکت آصف علی زرداری نا مسکوہی قومی اسمبلی نا باسک روشن الدین جونیجو نا کزیت آ است ہسونی نا درشان

اسلام آباد۔ 15 ستمبر(اے پی پی) صدر مملکت آصف علی زرداری مسکوہی قومی اسمبلی نا باسک روشن الدین جونیجو نا کزیت آ ڈکھیائی و است ہسونی نا درشانی ءِ کرینے۔ دوشنبے نادے آ ایوان ءِ صدر نا پریس ونگ انا رداٹ صدر مملکت تینا ہڑزخواہی کلہو اٹی روشن الدین جونیجو نا پارٹی و حلقہ کن نمان خذمت آتا ستاءِ کرسا پارے کہ السی خذمت کن اونا مخلصانہ وابستگی ئس۔ اوپارے کہ روشن الدین جونیجو ہرافتا نمائندگی ءِ کریکہ اوفتا زند ءِ گچین کننگ کن او سخت کوشست کرے۔ صدر مملکت پارے کہ روشن الدین جونیجو پیپلزپارٹی و تینا حلقہ نا جوان خذمت ءِ کرے۔ صدر مملکت ڈکھیائی نا داساہت اٹی روشن الدین جونیجو نا خاہوت تون ہڑزخواہی نا درشانی ءِ کرے۔ مسکوہی ایم این اے روشن الدین جونیجو نا تعلق سانگھڑ آن ئس و اونا پیپلزپارٹی تون متکن آ تعلقداری ئس۔