کرکٹ ءَ را سیاست نہ بلکیں گوازی ءِ رنگ ءَ چارگ بہ بیت، وفاقی وزیر محمد حنیف عباسی

اسلام آباد۔14ستمبر  (اے پی پی):ریلوے ءِ وفاقی وزیر محمد حنیف عباسی ءَ گشتگ کہ کرکٹ ءَ را خالص طور ءَ یک گوازی ءِ رنگ ءَ چارگ بہ بیت نہ کہ دشمنی یا سیاست ءِ رنگ ءَ۔ یک شمبے ءِ روچ ءَ پرائیویٹ ٹی وی ءَ گوں تران کنان ءَ آئی ءَ گوشت کہ پاکستان مدام کرکٹ ءَ را لیب ءُ گوازی ءِ جزبگ ءَ گوں لیب کنت وھدیکہ بھارت باز وھد ءَ ایشی ءَ را سیاسی جیڈھ جوڑ کنت۔ جیت ءُ ہار گوازی ءِ بہر انت۔ آئی ءَ گوشت کہ اسپورٹ ھمے رنگ ءَ یلہ کنگ بہ بیت ئُُ سیاست وتی حد ءِ تہ ءَ بہ بیت۔ آئی ءَ گوشت کہ میدان ءَ ھما ٹیم ءِ کارکردگی شرتر بہ بیت آئی ءَ سوبمند بوھگ ءِ ھک است انت۔ محمد حنیف عباسی ءَ گوشت کہ پاکستان ءَ کدی ھم ھچ جاہ ءُ تک ءَ بھارت ءِ ھلاپ ءَ لیب کنگ ءِ ھلاپ ءَ نہ بوتگ بلے بھارتی حکومت اے جیڈھ ءَ را بار بار سیاسی نفع ءِ واستہ کارمرد کنت۔ یک پاکستانی یے ءِ بستار ءَ منی دعا ءُ نیکیں واھگ مئے ٹیم ءِ گوما انت ءُ مارا اُمیت انت کہ ما ہندوستان ءَ را ہلاس کنیں۔