اسلام آباد۔14ستمبر (اے پی پی):وفاقی وزیر تجارت جام کمال خان ’’پاکستان ءُ ایران ءِ یکجائی اقتصادی کمیشن ءُ کاروباری فورم‘‘ ءِ سروکی ءِ واستہ سئے روچی سرکاری تر ءُ تاب ءِ واستہ تہران ءَ سر بوتگ۔ وزارت تجارت ءِ رد ءَ وفاقی وزیر ءَ را ایران ءِ وزارت سڑک ءُ شہری دیمروئی ءِ مشیر امین ترفای ءَ امام خمینی ءِ میان استمانی بالی پٹ ءَ وش آتک کتگ۔ وتی …
وفاقی وزیر تجارت جام کمال خان سئے روچی سرکاری تر ءُ تاب ءَ تہران ءَ سر بوتگ
گیشتریں ھال
اسلام آباد۔14ستمبر (اے پی پی):وفاقی وزیر تجارت جام کمال خان ’’پاکستان ءُ ایران ءِ یکجائی اقتصادی کمیشن ءُ کاروباری فورم‘‘ ءِ سروکی ءِ واستہ سئے روچی سرکاری تر ءُ تاب ءِ واستہ تہران ءَ سر بوتگ۔ وزارت تجارت ءِ رد ءَ وفاقی وزیر ءَ را ایران ءِ وزارت سڑک ءُ شہری دیمروئی ءِ مشیر امین ترفای ءَ امام خمینی ءِ میان استمانی بالی پٹ ءَ وش آتک کتگ۔ وتی تر ءُ تاب ءِ ساھت ءَ وزیر تجارت پاکستان ءُ ایران ءِ یکجائی اقتصادی کمیشن ءِ 22می دیوان ءِ سروکی ءَ ھم کنت ءُ پاکستان ایران ءِ یکجائی کاروباری فورم ءِ شریک سروکی ءَ ھم کنت۔ وفاقی وزیر ءَ دو نیمگی تجارت ءُ سرمایہ کاری کمک ءَ را گیش مھکم کنگ ءِ واستہ ایران ءِ کلیدی وزیر ءُ مزنیں کارندہ آنی گوما ھم گند ءُ نند کنت۔ جام کمال خان ءِ تر ءُ تاب ءِ مول ءُ مراد یکجائی اقتصادی کمیشن ءُ بزنس فورم ءِ وسیلگ ءَ پاکستان ءُ ایران ءِ اقتصادی ءُ تجارتی سیادی ءَ را دیمروئی دیگ اِنت۔
