مزن وزیر شہباز شریف ءَ آماچیں دمگ آنی تہ ءَ ملکی صارف آنی اگست ءِ بجلی ءِ بل آنی معاف کنگ ءِ جار جتگ، کشت ءُ کشاری، تجارتی ءُ صنعتی صارف آنی بل آنی جم کنگ ءِ وھد ءَ مہتل کنگ، سیلاب ءِ آماچیں مردمانی سرجمیں بحالی ءِ واستہ جزم  ءِ درشان

لاہور۔14ستمبر  (اے پی پی): مزن وزیر محمد شہباز شریف ءَ سیلاب ءَ چہ آماچیں دمگ آنی تہ ءَ ملکی صارف آنی اگست ءِ بجلی ءِ بل آنی معاف کنگ ءُ کشت ءُ کشاری، تجارتی ءُ صنعتی صارف آنی اگست ءِ بل آناں جم کنگ ءِ مہتل کنگ ءِ جار جتگ ءُ سیلاب ءِ آماچیں دمگ آنی سرجمیں بحالی ءِ واستہ وتی جزم  ءِ پدا پدر کتگ۔ ملک ءَ مزنیں تباہی یے آورتگ۔ ما سیلاب ءِ آماچیں مردمانی مشکلاں سرجمی ءَ سرپد ایں ۔ اے گرانیں وھد ءَ وفاقی حکومت وتی وسیلگاں چہ بجلی ءِ بلاں دات کنت۔ یک شمبے ءِ روچ ءَ سیلاب ءِ آماچیں مردم آنی واستہ کمکی پیکج ءِ جار جنان ءَ مزن وزیر ءَ گوشت کہ گوستگیں ھور ءُ سیلاب ءَ چہ ملک ءَ مزنیں تباہی یے اتکگ۔ جانی تاوان ءَ ابید مال ءُ مڈی ءُ لوگاں بے دروریں تاوان رستگ۔ آماچیں دمگ آنی تہ ءَ وردن ءُ وراک ءُ جان سلامتی ءِ آسراتی ءِ پھجارینگ ءِ واستہ وفاقی حکومت، صوبائی حکومت، الس ءُ لشکر درست یکجاہ ءَ ریسکیو ءُ ریلیف آپریشن ءَ برجاہ دارگ ءَ اَنت۔ مزن وزیر ءَ گوشت کہ اے درگت ءَ آئی ءَ پیسلہ کتگ کہ اگست ءِ ماہ ءَ سیلاب آماچیں دمگ آنی تہ ءَ ملکی صارف آنی بجلی ءِ بل معل کنگ بوھگ ءَ انت۔ ملکی صارفین ءَ اگست ءِ بل ءِ ادا کنگ ءِ ضلورت نہ بیت۔ مزن وزیر ءَ گوشت کہ ما سیلاب آماچیں مردم آنی مشکل ءَ سرجمی ءَ سرپد آں۔ اے گرانیں وھد ءَ وفاقی حکومت وتی وسیلگاں چہ بجلی ءِ بلاں دات کنت۔ اے سیلاب ءِ آماچیں مردمانی حق اِنت، کس ایشانی سرا احسان کنگ ءَ نہ اِنت۔ مزن وزیر ءَ گوشت کہ سیلاب ءَ چہ آماچیں دمگ آنی ملکی صارف آناں وتی اگست ءِ بجلی ءِ بل ادا کتگ انت آؤکیں ماہ ءِ بجلی ءِ بل ءَ اے زرّ واپس کنگ بنت۔ اے درگت ءَ ھاسیں ہدایت شنگ کنگ بوتگ۔ ھمے رنگ ءَ آماچیں دمگاں کشت ءُ کشاری، تجارتی ءُ صنعتی شوبگاں گوں ھمگرنچیں صارف آنی تاوان ءِ سرجمیں اندازگ جوڑ کنگ بوھگ ءَ اِنت ءُ اگست ءِ ماہ ءِ واستہ آیانی بجلی ءِ بل آنی جم کنگ ءَ ھم مہتل دارگ بوھگ ءَ اِنت۔ اگاں اے صارفین ءِ تاوان ءِ اندازہ گیشتر بوت گڑا آہاں گیشتر ریلیف دیگ بیت۔ دیمتر ءَ گامگیج چست کنگ بنت، مزن وزیر ءَ گوشت کہ اے درگت ءَ سیادی داروکیں بجلی ءِ بھر ءُ بانگ کنوکیں کمپنی آناں المی ئیں ہدایت جاری کنگ بوتگ، سیلاب ءَ چہ آماچیں دمگ آنی تہ ءَ تباہی ءُ تاوان بوتگ ءُ ما اے گپ ءَ شری ءَ سرپد ایں کہ مئے پیریں مردم، مات، گھار ءُ جنک آناں اے جاور ھال آنی تہ ءَ کم کنگ ءَ اَنت۔ سیلاب ءِ آماچیں مردم آنی مشکلات ءِ سر ءَ مزن وزیر ءَ گوشت کہ سیلاب ءِ آماچیں مردم آناں کمک کنگ مئے ذمہ واری اِنت ءُ یک رندے پدا من سیلاب ءَ چہ آماچیں دمگ آنی سرجمیں بحالی ءِ واستہ وتی جزم  ءِ پدر کنگ ءَ آں ءُ آماچیں مردم آناں دل یکیمی کن آں کہ ما آرام نہ کن ایں داں تاں سیلاب ءَ چہ آماچیں ھر مردم آئی ءِ یا آئی ءِ تہ ءَ آباد کنگ مہ بیت۔ مزن وزیر ءَ گوشت کہ اللہ تعالیٰ مارا درستیں کامیابی ءَ بہ دنت ءُ مئے کمکار ءُ کمکار بہ بیت۔