صدر آصف علی زرداری ءَ ترند گامگیں  ٹرین ءَ چین ءِ شہر چینگڈو ءَ چہ میانیانگ  ءِ تر ءُ تاب کنگ ءَ انت

میانیانگ۔14ستمبر  (اے پی پی):  صدر آصف علی زرداری ءَ چہ چینگڈو ءَ چین ءِ شہر میان یانگ ءَ تیز رفتار ٹرین ءِ سفر کتگ کہ ایشی ءِ کار نزیک ءَ نیم کلاک ءَ سرجم بوتگ۔ سفر ءِ ساھت ءَ صدر ءِ مملکت ءَ را ٹرین ءِ نظام، ازمت، سلامتی ءِ گامگیج ءُ چاگردی آسرات ءِ بابت ءَ سرپد کنگ بوت۔ صدر ءِ مملکت ءِ کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ حکام ءَ گوشت کہ چین ءَ دگنیا ءِ مزنیں تیز رفتار ریلوے نیٹ ورک است انت کہ ایشی ءِ تہ ءَ 45ہزار کلومیٹر ءَ چہ گیش ٹریک ھوار انت ءُ سالانہ دو ارب ءَ چہ گیش مسافر آناں آسراتی دنت۔ اے ٹرین 350 کلومیٹر فی گھنٹہ ءِ رفتار ءَ رونت ءُ چین ءِ تقریباً درستیں مزنیں شہراں گوں ہمگرنچ انت۔ چین ءَ یک کوالٹی ءُ نوکیں مسافر ءِ نظام جوڑ کتگ کہ مرچی دنیا ءِ ھاتر ءَ نوکیں رابطہ کاری ءِ مثال جوڑ بوتگ۔ صدر آصف علی زرداری ءَ پائیدار ءُ مھکمیں ٹرانسپورٹ ءِ تہ ءَ چین ءِ سوبمندی آنی توسیپ کنان ءَ گوشت کہ آلودگی ءَ چہ پاکیں بجلی ءِ نظام ءُ زمین چنڈ آنی زوتیں ھال ءِ ٹیکنالوجی ریلوے انجینئرنگ ءِ شاہکار اَنت۔ اے جدید گامگیج ایندگہ ملک ھاسیں رنگ ءَ پاکستان ءِ واستہ ارزشتی ایں رہشونی جوڑ بنت۔ صدر ءِ مملکت ءِ ہمراہی ءَ چین ءِ تہا پاکستان ءِ سفیر خلیل ہاشمی، پاکستان ءِ تہا چینی سفیر جیانگ زیڈونگ کہ آ سرجمیں تر ءُ تاب ءِ وھد ءَ صدر ءِ مملکت ءِ ہمراہی ءَ انت ءُ سینیٹر سلیم مانڈوی  والا ہم ھوار بوتگ انت۔ صدر ءِ مملکت ءَ را میان یانگ ءَ سر بوھگ ءِ وھد ءَ وائس میئر وو ہاؤ ءَ آئی ءَ را وش آتک کتگ۔