پیرس۔ 11جولائی (اے پی پی) پرتگال میزبان ٹیم فرانس ئِ 1-0 اٹ شکست ترسا یوروکپ 2016 ءنا ٹائٹل ئِ کٹا، فاتح ٹیم انا کنڈآن ایڈر ودیکی وخت اٹی گول کرسا تینا ٹیم ئِ چیمپیئن جوڑ کرفے۔ پرتگال اولیکو وار یوروکپ انا ٹائٹل تینا پن کرینے۔ سرجم احوال آتارداٹ پیرس نا سٹیڈ ڈی فرانس نا پٹ اٹی گوازی کروک آ دا فائنل اٹی ہڑتوم آ ٹیم تا نیام اٹ سخت مقابلہ مس ۔ تخوک 90 منٹ اسکان ہڑتوم آ ٹیمک گول کننگ نا سرتوڑ کوشست کریر ولے ہڑتوم آ کنڈآن دفاعی گوازی گر و گول کیپرز آک عمدہ گوازی پیش کرسا گول مننگ کن ہلیتوس۔ پرتگال نا کیپٹن و سٹار فٹ بالر کرسٹیا نو رونا لڈو انجری نا سوب 24می منٹ اٹی پٹ آن پیشن پیش تما ۔ ودیکی وخت انا 19 می منٹ اٹی پرتگال نا سٹرائیکر ایڈر 25منٹ فاصلہ آن اسہ شون و شان کک اس خلسا گیند ئِ فرانس نا گول انا اسہ کنڈ اسے ٹی خلک۔ہنداوڑ پرتگال نہ صرف اولیکو وار یورپی چیمپیئن جوڑ مس بلکن فٹ بال نا اسہ بھلو ٹورنامنٹ اس کٹنگ اٹی سرسہب مس۔
