فرانس۔ 04جولائی (اے پی پی) یوروکپ2016ءنا سیمی فائنل لائن اپ پورو مس، میزبان فرانس، ورلڈ چیمپین جرمنی، پرتگال و ویلز فائنل فوراٹی جاگہ دوئی کرینو۔ سرجم احوال آتارداٹ یوروفٹ بال ٹورنامنٹ نا سخت مقابلہ فرانس اٹی جاری ئِ، کوارٹر فائنل مرحلہ پورو مننگ آن گڈ فرانس، جرمنی، پرتگال و ویلز سیمی فائنل کن کوالیفائی کرینو، میگا ایونٹ نا اولیکو سیمی فائنل (پگہ) چارشنبے آ پرتگال و ویلز انا ٹیم تا نیام اٹ سٹیڈ ڈی لیون اٹی گوازی کننگک۔ ویلز اولیکو وار اسہ بھلو ٹورنامنٹ اسینا سیمی فائنل اسکان رسینگانے دالحاظ آن پرتگال ئِ فیورٹ گوندنگانے۔ ٹورنامنٹ نا ارٹ میکو سیمی فائنل اِرا بھلا ٹیم جرمنی و فرانس نا نیام اٹ 7جولائی آ مارسیلی ٹی مریک۔ جرمنی نا ٹیم جہانی چیمپین ئِ وخت اس کہ فرانچ ٹیم نا شمار ہم دنیا نا سوگو ٹیم آتے ٹی مریک ، ہڑتوم آ ٹیم تا نیام اٹ دلچسپ مقابلہ نا اومیت ئِ۔
