چیمپین شپ 20آن 30 جولائی اسکان مریک، گوازی گرتے ٹی بابر مسیح ، اسجد اقبال، محمد بلال و سہیل شہزاد اوارو
اسلام آباد ۔ 29جون (اے پی پی) پنچ باسکی قومی سنوکر ٹیم سکس ریڈ اینڈ ٹیم ایونٹ سنوکر چیمپین شپ اٹی شرکت کن 19جولائی آ مصر آ رادہ مریک۔ ایونٹ نا تیاری کن قومی گوازی گر تا کیمپ چنکا عئید آن گڈ شروع مریک۔ پاکستان بلیئرڈ اینڈ سنوکر ایسوسی ایشن نا کمامدارآتارداٹ چیمپین شپ 20آن 30جولائی اسکان مصر اٹی گوازی کننگک ہراٹی 4گوازی گر و اسہ آفیشل اس شرکت کیک۔ گوازی گر تے ٹی بابر مسیح ، اسجد اقبال، محمد بلال و سہیل شہزاد وخت اس کہ نوید کبادڈیہ بطور ریفری ٹیم اتون اوار مریک۔ کمامدار آک پاریر کہ ایونٹ نا تیاری کن قومی گوازی گر تا تربیتی کیمپ چنکا عئید آن گڈ شروع مریک و کوچ گوازی گر تے جدید و بڑزکو معیار نا تربیت ایتک۔ کمامدار آتارداٹ سکس ریڈ اینڈ ٹیم ایونٹ سنوکر چیمپین شپ اکن ڈومیسٹک کہول آ شون و شان کارکڑد نشان تروک گوازی گر تے قومی ٹیم اٹی اوار کننگانے۔ قومی ٹیم باصلاحیت ئِ و اومیت ئِ کہ ایونٹ اٹی قومی کیوئٹس شون و شان کارکڑد نا درشانی ئِ کرسا سرسہبی دوئی کیرہ۔
