پیرس ۔ 24جون (اے پی پی) یوئیفا یوروفٹ بال کپ انا گروپ میچ آتا چرجوئی پورو مسنے، ایونٹ نا پری کوارٹر فائنل لائن اپ پورو مسنے و سوئٹز رلینڈ ، پولینڈ، ویلز، نادرن، آئرلینڈ، کروشیا، پرتگال، فرانس، آئر لینڈ، جرمنی ، سلواکیہ، ہنگری ، بیلیجیئم ، اٹلی، سپین ، انگلینڈ و آئس لینڈ انا ٹیمک یوئیفا یوروفٹ بال کپ 2016ءنا پری کوارٹر فائنل مرحلہ ٹی پترینگانو۔ یوئیفا یوروفٹ بال کپ 2016ءنا پری کوارٹر فائنل مرحلہ ٹی (اینو) ہفتہ آ اِرا میچ گوازی کننگرہ۔ دا چرجوئی ٹی اولیکو میچ سوئٹزر لینڈ و پولینڈ نا ٹیم آتا نیام اٹ گوازی کننگک وخت اس کہ ارٹ میکو میچ ویلز و ناردرن آئرلینڈ نا ٹیم تا نیام اٹ گوازی کننگک ۔ یوئیفا یوروفٹ بال کپ 2016ءٹی کانٹہ دار مقابلہ غاتا چرجوئی جاری ئِ و یوئیفا یوروفٹ بال کپ 2016ءتینا ایسری مرحلہ نا کنڈا روا ن ئِ ایونٹ اٹی 24ٹیم ٹائٹل نا دوئی کن شرکت کریر ہرافتے آن داسا 16ٹیم ناک آﺅٹ مرحلہ ٹی رسینگانو۔ ہسپتانوی ٹیم پدریسہ مسٹ میکووار ٹائٹل نا دفاع کن کوشست کننگ ئِ ۔ ٹورنامنٹ نا فائنل 10جولائی آ گوازی کننگک۔
