ممبئی۔ 21اکتوبر (اے پی پی) بھارت و نیوزی لینڈ نا نیام اٹ مسہ ون ڈے کرکٹ میچ آتا سیریز نا بناء (اینو) یک شنبے نادے آن مریک۔ داکان مست انڈین بورڈ پریذیڈنٹ الیون نیوزی لینڈ الیون ءِ ٹورون ڈے میچ اٹی 30 رنز اٹ باتسوسس۔ سرجم احوال آتارداٹ نیوزی لینڈ نا کرکٹ ٹیم دادے تیٹی بھارت نا دورہ غاٹی ءِ ہراڑے او مسہ ون ڈے و مسہ ٹی 20 میچ آتا سیریز اس گوازی کیک۔ ہڑتوم آ ٹیم تا نیام اٹ ون ڈے سیریز نا بناء (اینو) یک شنبے آن مریک۔ ارٹ میکو ون ڈے 25اکتوبر وخت اس کہ مسٹ میکو و آخیریکو ون ڈے 29 اکتوبر آ گوازی کننگک۔ ٹی 20 سیریز نا اولیکو میچ یکم نومبر ، ارٹ میکو 4نومبر و مسٹ میکو 7 نومبرآ گوازی کننگک۔
