اقوام متحدہ۔22ستمبر(اے پی پی) مزن وزیر شاہد خاقان عباسی ءَ پنچ شمبےءِ روچءَ اقوام متحدہ ءِ تہا استیں پاکستانی آنی گوما گندءُ نند کتگءُ دنیاءِ تہا امنءُ ایمنی ءُ سلامتی ءِ ھاترءَ اقوام متحدہ ءِ مول ءُ مرادءَ را دیمءَ برگءَ کردءُ کار کنگءِ ھاتر آھانی شگرءُ منت گپتگ۔ مزن وزیر شاہد خاقان عباسی کہ اے وھدءَ اقوام متحدہ ءِ 72می جنرل اسمبلی ءِ دیوان ءَ ھواربوھگءِ ھاترءَ نیویارکءَ اِنت۔ اقوام متحدہ ءِ پاکستانی نژاد حکام ءَ گوں گندءُ نند کنوکیں اولی مزن وزیر اِنت۔ مزن وزیر شاہد خاقان عباسی ءَ آھا ں پاکستان ءِ اقتصادی دیمروئی ، ملک ءِ تہا سلامتی ءِ گہتر بوتگیں جاورھال ءُ جمہوریت ءِ مھکمی ءَ چہ سرپد کتگ۔ آئیءَ اقوام متحدہ ءِ تہا استیں پاکستانی نژاد حکام ءِ نیمگءِ نیمگءَ چہ جُست کتگیں جُستانی پسو داتگ۔ آئیءَ مزن وزیرءِ نیمگ ءَ چہ گندءُ نندءِ موھءِ سرءَ آئی ءِ شگر ءُ منت گپتگ۔ آئی ءَ گندءُ نندءِ بندوبست کنگءَ اقوام متحدہءِ تہا پاکستانی سفیر ملیحہ لودھی ءِ شگرءُ منت گپتگ۔ مزن وزیر شاہد خاقان عباسی ءَ آئیءَ راھال داتگ کہ پاکستان ءَ دنیاءِ مستریں ناشرکاری گرءُ داری آپریشن کتگءُ ناشرکاراناں آھانی ٹھکانگاں چہ ھلاس کنگءِ ھاترءَ ہزارانی کساسءَ فوجی آں بھر زُرتگ۔ دری کارانی وزیر خواجہ محمد آصف ھم اے موھءَ ساڑی بوتگ ءُ آئیءَ دری کارانی پالیسی ءِ ھاسیں کارانی سرءَ آئیءَ را سرپد کتگ۔

متعلقہ مضامینمصنف کی طرف سے مزید