اسلام آباد۔21اپریل (اے پی پی):مزن وزیر محمد شہباز شریف ءَ دو سال ءَ پد پی آئی اے ءِ لاہور باکو ءِ براہ راست بالی گراب آنی پدا بندات کنگ ءَ را وش اتک کنان ءَ گوشت کہ اے براہ راست بالی گراب دوئیں براتیں ملک آنی نیام ءَ دو نیمگی رابطہ ءُ ھمگرنچی ءِ واستہ یک ھاسیں سنگ میل ءِ انت۔ پیراکوکس ءِ ھوالگ ءَ وتی پوسٹ ءِ تہ ءَ مزن وزیر ءَ گوشت کہ اولی بنگیجی بالی گراب کہ پاکستانی زالبولیں پائلٹ شاہدہ اسماعیل اے بالیگ ءَ بال دنت، اے پھر ءِ گپ اِنت ءُ اے گپ ءِ ثبوت اِنت کہ پاکستانی زالبول بالی گراب ءِ ھمک پڑ ءَ مہارت دار اَنت۔ مزن وزیر ءَ گوشت کہ ما پاکستان ئُُ آذربائیجان ءِ نیام ءَ ھمک پڑ ءَ وت مہ وتی سیت ءِ سیادی ءَ را گیش مھکم کنگ ءِ جزمیگ آں۔ مزن وزیر ءَ وزیر دیمپانی ءُ آئی ءِ ٹیم ءِ کوشست آناں ساڑات کہ ہوابازی ءَ گوں سیادی داروکیں جیڈھ آناں گہتر بہ کن اَنت۔
