اسلام آباد۔21اپریل (اے پی پی): صدر آصف علی زرداری ءَ پوپ فرانسس ءِ بیرانی ءِ سر ءَ سک باز رنج ءُ گم ءِ درشانی کتگ ءُ بین المذاہب یکوئی، شفقت ءُ امن ءُ ایمنی ءِ ھاترا ھُدا مرزی پوپ ءِ عزم ءِ سرا شگر ءُ منت گپتگ۔ دوشمبے ءِ روچ ءَ صدارتی ایوان ءِ پریس ونگ ءِ رد ءَ صدر ءَ پوپ فرانسس ءِ بیرانی ءِ سر ءَ پاکستان ءِ حکومت ءُ الس ءِ نیمگ ءَ ویٹیکن ءُ سرجمیں کیتھولک کمیونٹی ءِ گوما دلپدردی ءِ درشانی کتگ۔ آئی ءَ گوشت کہ پوپ فرانسس ءَ را امن، چاگردی انصاف، بین المذاہب گپ ءُ تران ءُ سرجمیں دگنیا ءَ نزوریں گل آنی وشھالی ءِ واستہ وتی کوشست آناں یات کنگ بیت۔ صدر ءَ گوشت کہ پوپ فرانسس امن ءُ انصاف ءِ واستہ یک طاقتوریں توار ءِ بوتگ ءُ پوپ فرانسس ءَ جتا جتائیں مذہباں گوں سیادی داروکیں کمیونٹیز ءَ را یکجا کنگ ءِ واستہ کوشست کتگ۔ صدر آصف علی زرداری ءَ گوشت کہ پوپ فرانسس ءِ وت مہ وتی ءِ دیمروئی ءِ واستہ کوشست مدام یات کنگ بنت۔ آئی ءَ گوشت کہ پوپ فرانسس ءِ بیرانی نہ ایوک ءَ عیسائی آنی واستہ بلکیں ھما مردمانی واستہ ھم مزنیں تاوان اِنت کہ آ مذھب آنی نیام ءَ امن ءُ گپ ءُ تران ءَ را ارزشت دئینت۔
