اسلام آباد۔21اپریل (اے پی پی): مزن وزیر محمد شہباز شریف ءَ رومن کیتھولک چرچ ءِ سروک پوپ فرانسس ءِ بیرانی ءِ سر ءَ دلپدردی درشان کتگ ءُ گوشت کہ ھُدا مرزی پوپ فرانسس بین المذاہب یکوئی، امن ءُ انسانیت ءِ دیمروئی ءِ پیشگام بوتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ پوپ ءَ ارباں مردم آنی وشھالی، امن ءُ ایمنی ءِ واستہ رہشونی ءِ دیم ءَ برتگ۔ مزن وزیر ءَ گوشت کہ ھُدا مرزی پوپ فرانسس بین المذاہب یکوئی، امن ءُ انسانیت ءِ دیمروئی ءِ راہشون بوتگ۔ آئی ءِ سروکی ءَ کیتھولک چرچ ءَ سرجمیں دنیا ءَ مھر ، رواداری ءُ یکے دومی ءِ احترام ءِ پیغام شنگ ءُ تالان کت۔ پوپ فرانسس ءِ اے رھبند نہ ایوک ءَ پہ سرجمیں دگنیا ءَ بلکیں دگہ مذھبانی منوگراں ھم رژنائی ءِ چراگ بوتگ۔ مزن وزیر ءَ گوشت کہ پوپ فرانسس ءِ ایسٹر ءِ موہ ءَ غزہ ءُ فلسطین ءَ ترندیں جنگ بندی ءِ لوٹ ءُ انسانی ھک آنی لگتمالی ءِ گر ءُ دار ءِ لوٹ آئی ءِ پرامن ءُ انسانی شخصیت ءِ رد انت۔ آئی ءِ ھزمت بازیں وھدے ءَ یات کنگ بنت۔ پوپ فرانسس ءِ بیرانی پہ سرجمیں دگنیا ءَ ھاسیں رنگ ءَ مسلمانیں راج ءَ ناقابل تلافی تاوان اِنت۔ مزن وزیر ءَ گوشت کہ پاکستان ءِ حکومت ءُ پاکستان ءِ اُلس ءِ نیمگ ءَ من وائکان سٹی ءِ اُلس ، گلوبل مسیحی کمیونٹی ءُ سرجمیں دگنیا ءِ تہ ءَ آھانی نزیکیں مردماں گوں دل ءِ تہ ءَ ھمدردی ءُ دلپدردی ءِ درشان کن آں ۔
