اسلام آباد۔ 21 اپریل (اے پی پی) وزیراعظم محمد شہباز شریف پی آئی اے نالاہور آن باکو براہ راست جہاز آتا اِرا سال آن پد بحالی ناخیرمقدم ءِ کرسا پارینے کہ دا براہ راست جہاز آک ہڑتوم آ ایلم ملک آتا نیام اٹ رابطہ و سیل و سوات کن اہم ءُ مزل نا نشان ءُ۔ دوشنبے نادے آ ’’ایکس‘‘ آ تینا پوسٹ اٹی وزیراعظم پارے کہ اولیکو بنائی جہاز ہرادے پاکستانی زالبول پائلٹ شاہدہ اسماعیل چلیفنگ ءِ، اسہ گمرناہیت اسے و داداہیت انا شاہدی ءِ کہ پاکستانی زالبول آک ہوابازی تون اوار غٹ بشخ آتیٹی مہارت تخرہ۔ وزیر اعظم پارے کہ نن پاکستان و آذربائیجان نا نیام اٹ ہڑتوم آکنڈآتاتعلقداری تے ہربشخ اٹی پین سوگو کننگ کن سنبرینگوک اُن۔ وزیراعظم وزیردفاع و اونا ٹیم اناایوی ایشن تون تعلقدار امور ءِ گچین کننگ کن اوفتا کوشست آتا ستاءِ کرے۔
