کولکتہ۔ 19 ستمبر (اے پی پی) بھارت و آسٹریلیا نا ٹیم تا نیام اٹ پنچ اسہ دے ئی جہانی میچ آتیا تالان سیریز نا ارٹ میکو میچ (پگہ) پنچ شنبے نادے کولکتہ ٹی گوازی کننگک۔ میزبان ٹیم ئِ آسٹریلیا نا برخلاف سیریز اٹی 1-0 نا برتری دوئی ئِ۔ بھارت اولیکو میچ اٹی کینگروز ئِ 26رنز اٹ شکست تسوسس۔ آسٹریلیا و بھارت نا نیام اٹ پنچ ون ڈے میچ آتا سیریز نا ارٹ میکو میچ (پگہ) کولکتہ ٹی گوازی کننگک، مسٹ میکو میچ 24 ستمبر آ اندور، چارمیکو میچ 28 ستمبر آ بنگلور وخت اس کہ پنچ می و آخریکو میچ یکم اکتوبر آ ناگپور اٹی گوازی کننگک، اوکان پد ہڑتوم آ ٹیم تا نیام اٹ مسہ ٹی ٹونٹی سیریز نا اولیکو میچ 7 اکتوبر آ رانچی نا ہند آ گوازی کننگک۔ ارٹ میکو میچ 10 اکتوبر آ گوہاٹی ٹی گوازی کننگک وخت اس کہ مسٹ میکو و آخریکو میچ 13 اکتوبر آ حیدر آباد ، دکن اٹی گوازی کننگک۔
